Document

Kuúrá, Ncà wùn à vikóŋ vév ví

Charles Katiwa Kiema

Salim Kasamba

Yi-iì dzə̀ fó ŋgùʼ a Kuúrá wùn Ncà dzə̀ ŋkar si. Áwune-eè dzə̀ é kitàn, yii bèy a Ncàá kér kimbèʼbìy. Wù-uù kér sá shiwán shé kikoŋ, shee fo wù-uù yiir kimbèʼbiy.

Wáa dzə e shùy wùmòʼ Ncàá nèn lèéy ji wun-éè fó á mendzə́v e kimbèʼbìy kfə́ kí. Á bèy a yò-oò dzə̀ Ncàá yù fó tu mendzə́v fó ndzəv e shiwán sə́ shé kikoŋ shi. Wù nèn yèn ji wun-éè foo á kikóŋ ke kuʼùn kí fo Kuúrá. Kuúrá nèn foòr Ncà kikóŋ kfə́ bìʼ viŋkar vév.

Mo wù tuun mendzə́v e fò e kimbèʼbìy kí, Ncàá nèn lì kikóŋ ke Kuúrá e dù sho fo laʼ. Wáa dzə e bǎm ŋgàm sibaà a Kuúrá sí taʼ e sù ndzə̀y a kikóŋ ki dzə̀ə́ e Ncà. Kuúrá nèn màʼtì ndzə̀y, e dù e ncàá laʼ ji wun sə́ á kikóŋ kfə́.

Ncàá nèn fò kimà ké kikóŋ ke Kuúrá. E nèn fò sá kikóŋ ke terí kí e Kuúra. E yòŋ sho jii, "Kikóŋ ké ki sìíy e dzə̀ə́ ke terí kí, mo wòsò dzəə̀n ŋkar si, m kù-uù tátí vibaà e fò e wò." Kuúrá nèn shèʼrí e sə̀ vikóŋ vee vibaà.

E bǎm vishiíy, Ncàá wáa tàʼ e noór kimbèʼbìy kfə́, wù nèn kfə̀n dù ji Kuúra sə́ á wun. Kuúrá nèn kwàʼtì jii, "Mo m yíi fo, e koóy kímóʼ kí é kitu wo, bo mo-óò fó kikóŋ kém shó foón." Ncàá nèn sə̀ kimà ké kikoŋ ke Kuúrá e dù sho ji wun noór á kimbèʼbìy kfə́. Wù màysì, e nèn lì kikóŋ ke Kuúrá, e dù sho e wun laʼ.

Kuúrá nèn a shìy ghán sée sə kikóŋ fo Ncà. Wù-uù taʼ e màʼtì ntàm da, e kí fiʼ dzə̀ə́ ke terí kí. Mo Kuúra duùn ji wun sə́ a kikóŋ kfə́, Ncàá suúy jii, "Kuúrá, ŋkar yèm, m kì sí yiì a wìy e fèr sáʼka wo bi wo wù kooyin. Si vishiíy vibaà mo kikóŋ ké ki-ii kpuun. M kì ji à kì á ji kifá kidzə̀m ke tin ki lo kí kpu."

La kuúrá yòʼ biìmé sáʼka və̀n. Wù nèn sùúy jii, "M kù-úù jaŋri nyám se kuʼkìn sí, é sí sáʼ kinyo kìn." Á bèy Kuúrá nèn jàŋrì nyám se kuʼkìn sí ji á keérí á dzəʼə̀m. Kitàm wùn aànyari, à vitàm ve ndzə́v ví, aàleeleé nèn bàʼtí e Ncàá laʼ ji á tínén á kinyo kìn.

Á nen yòŋ ji Ncàá naari á mo kí-ii dzəə̀n. Wù nèn sùúy jii, "Kàŋ mbìy wo mò-oò foòn kikóŋ ke Kuúrá, kí-iì wìy e dzə̀ə́ wán, m tátí e fò e wun vidzə̀m. M siíy e foò lèn vishi vi bír kikóŋ ki kpú a kí yoʼ dzə̀ə́. Kí bo kifá kidzə̀m ke kí yii ŋeʼ ki yii kpú." Nyám sidzə̀m si biímé kinyo ke Ncàá naàrìn. Kikóŋ ke Kuúrá kí nèn lày e Ncàá bey.

You are free to download, copy, translate or adapt this story and use the illustrations as long as you attribute in the following way:

Kuúrá, Ncà wùn à vikóŋ vév ví

Author - Charles Katiwa Kiema
Translation - Beatrice Tafon Takeh, Mbinkar Emmanuel Keelen
Illustration - Salim Kasamba
Language - Lámnsoʼ
Level - Longer paragraphs