Yi-iì dzə̀ é ghan símóʼ sí, a shiwán shé bvəy wùn shiwán shé baá shi dzə̀ ŋkar si.
Áwune nèn dù visəə́rí é fir.
Vé-eè kfə́n fo laʼ a ghán sí shaásín ne feyì.
Wàn bvəy suúy e yè wov jii, "M kì kòóy ŋkar a yì bòŋ feyì. Wúné boŋ mo féyì. Vèr wun kfə̀n bvəə́shí e tarnén kibvəə́shí."
Yìy à bvəy bìnèr jii, "Wan wòm, m kér kishéʼrì ji à kfə̀n é bàm e tin. Wù yòʼ dzə̀ ŋkar yesən. Lá à yòʼ kfə̀n bvəə̀shí e dù ji à yén á wun."
Kú a dzə̀ sa ghán sin se wàn baá kì suuy e ye wov jii, "M kòóy ŋkar yem a yì bóŋ féyì. Wúné boŋ mo. Vèr wun bvəə́shi e tarnén kibvəə́shí."
Yìy à baá bìnèr jii, "Wan wom, kí bír mo, mò à yoʼ lo e kfə̀r wan bvəy woo shooy. Vèn wun tárnen kibvəə́shí, à yùyrí wun e kfə̀r."
Yì rán kivəə́shí, wàn baá dù aà wàn bvəy ntèʼ.
A wàn bvəy yòʼ dzə̀ fó ndzə. A wù kì làáy é mvə̀m lav wùn yè wov.
Wàn baá jáŋ kitávín jii, "Á wìy é wòsò du a səərí e fir."
Wàn bvəy bìnèr jii, "Wòsò yòʼ dzə̀ə́ ŋkar si. M yù ne kinyo ke yè wor suuyin e mò. Wón ve juŋe yii yú ayìy vév."
Wàn baá yú bír, e nèn kfə̀n é bàm, e dù e yèn yè wov.