Document

Luŋ wo wiy wun Bvərə̀ woo wiíy

Daniel Nanok

Brian Wambi

Luŋ wo wiy wùn Bvə́rə̀ woo wiíy-iì dzə̀ ŋkar se ghaʼtín sí. Áwune adzə̀m-eè kér wón ve terií.

Luŋ wo wiy-iì yiir wón və́ kijuŋ.

Wón bvə́rə̀ʼə́ yoʼ-oò kér kifá kinén ké a yi.

Bvə́rə̀ʼ woo wiíy-iì lèéy wón lùŋ wo wiy e nèn yoŋ jii, "Wón víne bòŋkìr feyì. Kì yèe fo wáa dzə vém?"

Luŋ wo wiy nèn wìy fəə̀ fó lav, Bvə́rə̀ʼ woo wiíy və̀y wiy e tayrí wón luŋ wo wiy e dù sho e wun laʼ.

Luŋ wo wiy lòo kfən e bàm e nèn yèn a dzə̀ wón bvə́rə̀ʼ e wun lav. Wù tóŋ jii, "Wón vémé bèé?"

Luŋ wo wiy-eè nyèŋ e dù e Bvərə̀ʼ tàv, e nèn yèn wón və́ wùn à bvərəʼ.

Bvə́rə̀ʼ nèn tèn fo Luŋ wo wiy li wón və́. Wù sùúy é luŋ wo wiy jii, "Sí kér wò wón bvərə̀ʼ."

Kinyo kin ki nyár Lùŋ wo wiy, vifií və́ ví bvəə́rí. Wù nèn a ghay jii, "M fen lo e yèe, bó a ker wón vém é bàm?"

Wù nèn sùúy jii, "M kiíy ne kinyo ke m lo yii. M lo e jàŋ dzə́ʼə̀m yé nyám sidzə̀m si wiy."

Wù jàŋ nyámsi nèn bàʼtí sidzə̀m kirə́ kimòʼón.

Kitàm ki yóŋ e Luŋ wo wiy wùn Bvərə̀ʼ ji á wàá súŋnén.

Kuùkuʼùn nyam-iì fan fó a bashí Bvərə̀ʼ.

Bun yiì lò e kùr shilív, lo yuv e suúy jii, "Wón ve á shwínen mənə́né dzə wón Lùŋ wo wiy. Wón ve á kér kúné dzə̀ vé Bvərèʼ."

Bun yòŋ bèy e nèn tò é bii, e dù duùn. Nyám sidzə̀m si kwáʼtí wó.

Kinyo kìy ki bír Bvərə̀ʼ féyì, ji nsaʼ koo ne a wun. Wu li wón və kisə́sə wùn áwune wàa du aáwune laʼ.

You are free to download, copy, translate or adapt this story and use the illustrations as long as you attribute in the following way:

Luŋ wo wiy wun Bvərə̀ woo wiíy

Author - Daniel Nanok
Translation - Beatrice Tafon Takeh, Mbinkar Emmanuel Keelen
Illustration - Brian Wambi
Language - Lámnsoʼ
Level - First sentences