Luŋ wo wiy wùn Bvə́rə̀ woo wiíy-iì dzə̀ ŋkar se ghaʼtín sí. Áwune adzə̀m-eè kér wón ve terií.
Luŋ wo wiy-iì yiir wón və́ kijuŋ.
Wón bvə́rə̀ʼə́ yoʼ-oò kér kifá kinén ké a yi.
Bvə́rə̀ʼ woo wiíy-iì lèéy wón lùŋ wo wiy e nèn yoŋ jii, "Wón víne bòŋkìr feyì. Kì yèe fo wáa dzə vém?"
Luŋ wo wiy nèn wìy fəə̀ fó lav, Bvə́rə̀ʼ woo wiíy və̀y wiy e tayrí wón luŋ wo wiy e dù sho e wun laʼ.
Luŋ wo wiy lòo kfən e bàm e nèn yèn a dzə̀ wón bvə́rə̀ʼ e wun lav. Wù tóŋ jii, "Wón vémé bèé?"
Luŋ wo wiy-eè nyèŋ e dù e Bvərə̀ʼ tàv, e nèn yèn wón və́ wùn à bvərəʼ.
Bvə́rə̀ʼ nèn tèn fo Luŋ wo wiy li wón və́. Wù sùúy é luŋ wo wiy jii, "Sí kér wò wón bvərə̀ʼ."
Kinyo kin ki nyár Lùŋ wo wiy, vifií və́ ví bvəə́rí. Wù nèn a ghay jii, "M fen lo e yèe, bó a ker wón vém é bàm?"
Wù nèn sùúy jii, "M kiíy ne kinyo ke m lo yii. M lo e jàŋ dzə́ʼə̀m yé nyám sidzə̀m si wiy."
Wù jàŋ nyámsi nèn bàʼtí sidzə̀m kirə́ kimòʼón.
Kitàm ki yóŋ e Luŋ wo wiy wùn Bvərə̀ʼ ji á wàá súŋnén.
Kuùkuʼùn nyam-iì fan fó a bashí Bvərə̀ʼ.
Bun yiì lò e kùr shilív, lo yuv e suúy jii, "Wón ve á shwínen mənə́né dzə wón Lùŋ wo wiy. Wón ve á kér kúné dzə̀ vé Bvərèʼ."
Bun yòŋ bèy e nèn tò é bii, e dù duùn. Nyám sidzə̀m si kwáʼtí wó.
Kinyo kìy ki bír Bvərə̀ʼ féyì, ji nsaʼ koo ne a wun. Wu li wón və kisə́sə wùn áwune wàa du aáwune laʼ.