M ma yɛliya, "Kyɛmna ka ti karim sɔlimni bukku m biiya."

Sahaseaa la ka yoofu ni buŋŋa daa la'amni m-bɛni. Ba daa la'amni n-tumna.

Didahinseaa ka yoofu bidibga daa kpi.

Ka u sufu daa sa'am pam ka u kum m-maali n-kum. U zizii ni taaba da ti u suguru.

Amaa u daa kur kumni ni. U beeri ni u zɔ buŋŋa daa ti u suguru. Ba daa yɛi u, Doowa bu kumni ka di duura nintam n-dee m-barigra.

Tɔ, Kuuri wa ni, yoofu daa yi n zinni n teesi bii wa yala u kumni, ka bunŋa gɔsi u ka ya ni doo bu kumna pam amaa u yi ku zinni n teesi u kumni.

Dinzugu sahaseaa yoofu yi kum hii, hii, hii, buŋŋa yi -goaai u ni ka yɛli u, ni u kumma hmm, hmm, hmm.

Yoofu daa ku kumni lala halli ka ba ti sɔ'ai u biiya maa.

Di gɔya ayi nyaaŋŋa ka bunŋa gba bidibga kpi. U zizii ni taaba daa la'amiya ni ba sɔ'ai u biiya maa. Buŋŋa beeri ni u zɔ yoofu gba daa bɛ bɛni ni ba maai u sufu.

Bunŋa gba daa yi ti ya kum, u zɔ yoofu yi goaai u ni ka ti u suguru. Disaha ka teaa u ni doo bu kumna ka di duura. Di zugu u kumma hmm, hmm, hmm.

Buŋŋa daa kpalim n kumni ka di duura dama u sufu daa wuri u biiyinni maa pam.

U kumni ni pam pam halli n-kumni hiihɔɔ! Hinhɔɔ! Hinhɔɔ! Ka di wulisi ni di ya'ai ni pam, di ya'ai ni pam, di ya'ai ni pam.

Lala zugu n kya ka Bunŋa kumna pam n gaari Yoofu.