Dԑdo ji zangmayo ko nԑ je ekpa ngԑ Ogᴐmԑ bi a he. E buᴐ bo tako nԑ sԑ mu.

E woᴐ hiᴐ nane tokota ngԑ muᴐ nane nԑ e woᴐ muᴐ nᴐ ᴐ hu ngԑ e hiᴐ nane.

Dԑdo kԑ nᴐ ko yi kᴐmᴐ ngԑ ma a mi. E kԑ nᴐ ko tsu we ni kԑ bla. E tuᴐ munyu ha lԑ nitsԑ e he, e maa tuu nԑ e maa gbᴐ e dԑ mi.

Dԑdo kukuᴐᴐ niye ni ngԑ zugba be komԑ loko ji e yeᴐ. E nui hiᴐ hyԑ. E ngԑ mi kaa e kukuᴐᴐ zugba ni nԑ e yeᴐ lԑԑ, se ma a mi nᴐ ko ha we lԑ tsopa hyԑ, nԑ nᴐ ko hu wo we lԑ kԑ yԑ tsami he hyԑ.

Ogᴐmԑ bi hyԑԑ Dԑdo kaa e yi be. Ni komԑ hu ke e hiaa.

A jԑԑ lԑ, a fieᴐ lԑ be komԑ kԑ jeᴐ he nԑ ma bi yԑԑ nyu ngԑ ᴐ.

Ngmᴐ peemi be ba su.

Dԑdo ngԑ kpakplaa, klaate kԑ goga nԑ sԑ mu ko. E woᴐ kpakplaa kԑ klaate ᴐ kԑ huᴐ, nԑ e kԑ goga a yԑԑ nyu kԑ yaa ngmᴐ ᴐ nᴐ kԑ ya peᴐ nᴐ.

Dԑdo pee blԑfo kԑ akate ngmᴐ. Dԑdo tsuᴐ ni ngԑ ngmᴐ ᴐ mi daa ligbi.

Ke e ngԑ ni tsue ᴐ, ma bi ᴐmԑ daa si ngԑ e he fԑu yee nԑ a ngԑ lԑ muᴐe, se pi e kᴐmᴐ.

Be fԑԑ be nԑ Dԑdo ngԑ ni tsue ngԑ ngmᴐ ᴐ mi ᴐ, la nԑ e laa ji, "Hejᴐ gbeᴐ nᴐ! Mo ko to hejᴐ. Hwᴐ maa ye mo!"

Ke e ngԑ lae ᴐ, e gbᴐᴐ e dԑ mi, e tuᴐ nԑ e doᴐ.

Hlami etԑ se ᴐ Dԑdo ngmᴐ ᴐ ba ni babauu. E su kpami be. Blԑfo ba amԑ ngԑ mumumumu nԑ e bԑni ᴐmԑ hԑԑ zu su.

Bᴐᴐ mi ᴐ Ogᴐmԑ bi ᴐmԑ ya baa ngmᴐ ni ᴐmԑ ngԑ Dԑdo dԑ.

Dԑdo je e tsui mi kԑ ha mԑ se kԑ ᴐ, yi kpԑti wali komԑ guᴐ Dԑdo se ya juᴐ ni ᴐmԑ eko ke be nԑ e be ngmᴐ ᴐ nᴐ ᴐ.

Ligbi ko ᴐ, nubwᴐ ko ba slaa Ogᴐmԑ. E na Dԑdo ngԑ ngmᴐ ᴐ nᴐ nԑ e ni tsumi ᴐ pee lԑ buajᴐ. E ha Dԑdo, "Ayekoo" se Dԑdo he we nᴐ.

Nubwᴐ ᴐ nui sisi ha Dԑdo. E sԑ ma a mi ya bi si bᴐ nԑ a le Dԑdo ha. Ni komԑ ngԑ Ogᴐmԑ de lԑ ke Dԑdo juԑmi mi be pԑpԑԑpԑ.

Nԑ nubwᴐ hyԑ Dԑdo ni nԑ e tsu ᴐ kԑ e ngmᴐ ᴐ too ᴐ, nᴐ nԑ e bi e he ji, "Dԑdo yi be piᴐ?"

E ya nᴐ nԑ e de ke e nԑ enԑ ᴐ eko hyԑ ngԑ e wami be mi.