Faŋa to Aweh di o kaani Kaweh deem mo wora yi ba zoora tio ko-donŋ ne ko yire mo Ayeatia. Aweh deem yi wolo wom ni na ba yomma to mo; yi o ta yi nↄn kacha nyim di.

Di o kachaarem dem mama, Aweh deem yi val' ba bia mo.

Aweh vei kaara mo dede. O kukura kam yire na yi, "wolↄnŋↄ tera" to ma yeeni ka tↄg ka vea kaara kam.

Dede dedoa o na yi kaara to, o vea mo o kaari kateerem ni mama de o vↄↄrↄ dedoa o jeŋa ne yi o lan daari o mↄm banŋa banŋa, ha, ha, ha, aa o yagi jei mama. Yi o wi "Wɛ lagi yoo, o ba lagi yoo, wia nan da na lag aka jii-e chii-bii, bi, o mo ta o va o kateeri dem o ti."

Kaweh di yeeni o gaari gaari o tↄge o vo kaara mo o gom dwɛɛ. Dɛ de di, Aweh maani se o vo vaa o kateeri dem o ti.

O na tiiri o vaari wɛn' to mo kaweh tuu de wudiu o ba yi o nɛ o baro wom, o woo ma pↄli dedɛ.

Kaweh deem ma bobo o leina se o wole o baaro wom se o va Leila Leila.

O ma leeni lenŋa kanto o yaga o bar' wom kↄga ni.

"Kaara tu wo yem mo,ja wɛ n lee! Kaduga tu wo yem mo, ja wɛ n lee! Sin pa vaarem va-a, ja wɛ n lee! Aweh vↄrↄ mo dii-naa, ja wɛ n lee! Aweh vↄrↄ mo di-yoo, ja wɛ n lee! Sin pa vaarem va-a, ja wɛ n lee!"

Lɛɛ sim na pai pumpↄnↄ to, Aweh ma chↄi jampɛla o yaga jazim de jagwia yi o ma kie-a.

Ko wo daani di Aweh na bugi zɛɛri-ba. O lan ma jeeni o vↄↄrↄ kom baŋa ne se o sii. O maa ta de Kaweh o we nmo na wora yo kolokolo bawone ko chii se a yi va kara kam a ti.

Aweh deem gooni wɛ mo o ja' o gaali. O tiini o chuu wɛ yi mo dedɛ yi o pↄↄli wɛ o wi wɛ na maŋe o tuu koloko ba wone ko pa o yi tii kaara kam.

Aweh na jem fii to mo o kukura kam paara zom pai di dura di yoori Aweh.

Kaweh na nɛ zon dem to o ma bↄnŋi a baro o wei o ni zom na biini. Aweh ma zanŋ wɛ ni o kwei o vↄↄr' kom o vu-vugi o duli zom dem wa-a-giya.

O goora kam ma boori bi-le, vↄↄr' kom di ma jee. Kukura kam ma paari paari zom dem ka gaa, ka ma joori k aba yi ka sii a hei hei hei! yi ka daali ka nabili ka gilima Aweh de kaweh na ziiga suu ram ban nii daani.

Wↄ yiga mo?