Inkhukhu nelishongololo bebangebangani labakhulu. Kodvwa bebahlala bancintisana njalo. Kwatsi ngalelinye lilanga bancuma kudlala ibhola kute babone kutsi ngubani umdlali lobengca bonkhe.

Baya enkhundleni lapho kudlalelwa khona ibhola base bacala umdlalo wabo. Inkhukhu beyisheshisa, kodvwa lishongololo belisheshisa kakhulu. Inkhukhu beyikhahlela kakhulu, kodvwa lishongololo belikhahlela kakhulu kunenkhukhu. Inkhukhu yacala kutfukutsela.

Bancuma kutsi bakhahlele emaphenalthi. Kwekucala lishongololo livimbe emagoli. Inkhukhu yafaka linye kuphela ligoli. Emva kwaloko kwase kuba khona litfuba lenkhukhu kutsi ivimbe emagoli.

Lishongolo lakhahlela ibhola layifaka emapalini. Lishongololo ladilibula ibhola layifaka emapalini. Lishongololo lashaya ibhola ngenhloko layifaka emapalini. Lishongololo lafaka emagoli lasihlanu.

Inkhukhu yatfukutselela kutsi ayikafaki emagoli. Beyehluliwe kabuhlungu. Lishongololo lacala lahleka ngobe umngani walo bekakhatsatekile.

Inkhukhu yatfukutsela kakhulu yate yagwinya lishongololo.

Ngalesikhatsi inkhukhu ihamba iya ekhaya, yahlangana namake welishongololo. Make welishongololo wayibuta, "Ngabe umbonile umntfwanami?" Inkhukhu ayimange yamphendvula. Make welishongololo wakhatsateka kakhulu.

Make welishongololo weva livi lelincane. "Ngilamulele make!" Kukhala livi. Make welishongololo wacalata walalelisisa. Livi belichamuka ngekhatsi esiswini senkhukhu.

Make welishongolo wamemeta, "Sebentisa emandla akho lakhetsekile mntfwanami!" Emashongololo akwati kukhipha liphunga lelibi atente anambitseke kabi. Inkhukhu yativa inyakulela.

Inkhukhu yagonyuluka. Yabuye yagwinya yakhafula. Yatsimula yabuye yakhwehlela kaningi. Yeva ilinyanga lishongololo.

Inkhukhu yakhwehlela late laphuma lishongololo lelalisesiswini sayo. Make welishongololo nemntfwana walo wanwabutela bakhuphuka sihlahla bayobhaca.

Kusukela ngaleso sikhatsi, inkhukhu nelishongololo baba titsa.