Mdogo ne Juma abe bamukwano abataka okwiiruka.

Baiiruka wamu buli lunaku.

Olunaku olumu, Juma yakobera, "Twiirukemu okwetolola sentale wa Afirika. Twiirukemu okuwagira ensonga eyokwegaita mu Afirika."

Basalirewo okutwala eitala yobumu mulugendo lwaibwe.

Batandikire embiro ewayala Mumaseregeta ga Afirika, Mutawuni ya Cape.

Okuva mu South Afirika beyongere basengererwa ensalosalo ye Bugwanjuba. Bairukire nga babita e’Namibia, Angola, Zaire, Congo ne Cameroon. Bawumulire Abuja.

Abaiiruki okuka mumawanga ga Bugwenju wa Afirika begaitireku abanaibwe okuva mu Nigeria. Weyongereyo wamu, nga basegererya omwiiga Niger awala Ebugwanjuba.

Kibuyaga okuva mu Mali yaletere obuzibu. Juma niye eyabere omugumu mu bobnabona.

Yakulembere engira bukalamu.

Mubwngula bwe Guinea mu Conakry omwiiruki omukatufu yanabire mu nyanza.

Basalirewo okuirukira mu Morocco nga babita Senegal ne Mauritania.

E’Casabulaka abairuki bazanyire nabantu abatobato ku biichi.

Awo, beyongeirero mu Mambuka ga Afirika.

Bairukire okubita mu Algeria ne Libya, era bayemereraku mu Misiri okulambulaku empaagi.

Awo nibaira mu maserengeta, nga basengererya Omwiga Kiira okuva e’Uganda.

Bairukure mu byeeya ne mu bibira ebyensalosalo. Abavuvuka abasinga babeyungireeku mu Kampala.

Ekikwekweto kyeyolekere ku nsalosalo ya Kenya.

Mu Mombasa, batyamire ku beechi nibalya omutwere omumyoofu ne bwenyaza.

Juma sakobere anti, "Tutwale eitala lyowaamu kulusozi lwe Kilimanjaro."

Naye Juma yabere mukowu. Mulugendo lyaibwe e’Tanzania, yaguire owaansi.

Abairuki bobabona bayemereire ni baling eyuma okuyamba Juma.

Juma yaweiryerye eitala Mdogo. Yakobera ati, "Twala eitala ku lusozi lye Kilimanjaro. Okulanie ekitangla kyowamu mu mawanga ga bairugavu."

Abantu batedere abairuki nga bato bati, "Muli balwanyi."

Oluvanyuma lwo kumulika eitala oryowamu ku lusozi lwe Kilimanjaro, beyongere ate mu maserengeta nga Afirika.

Bayemereireku to kusanya mu Nyanza ye Malawi.

Mdogo nakoba nti Juma, "Twiirukire mu maseregeta paka mambuka, bugwanjuba paka buvanjuba. Olugendo lyaife lulikuwa."

Bairuki bowamu bamalilirye nga batwaire eitala to Zimbabwe yowamu. Eikukubira lwesolongere mu kifo kino ekinene.

"Kwiiruka ki kuno!" Juma yasekere.