ዓንደ ላሕምን ንእሽተይ ዑትሮ መስተይት ማይን ነይረንኦ።

ካልእ ዓባይ ዑትሮ ካብ ጎረቤቱ ተለቅሐ።

ዓንደ ነታ ንእሽተይ ዕትሮ ናብ ውሽጢ እታ ካብ ጎረቤቱ ተለቅሓ ዓባይ ዕትሮ ኣእተዋ።

ዓንደ እተን ዓታሩ ተሸኪሙ ናብ ጎረቤቱ ከደ።

ዓንደ ነቲ ጎረቤቱ “ዕትሮኻ ወሊዳ” በሎ።

ካልእ ምዓልቲ፣ ዓንደ ነታ ዕትሮ ክልቃሕ ናብ ጎረቤቱ ከደ።

ተለቂሑ ግን ኣይመለሰሉን። እቲ ጎረቤቱ መልሰለይ ክብሎ ናብ ዓንደ ከደ።

“ክነግረካ እናበልኩ፣ እታ ዕትሮኻ እኮ ሞይታ” በሎ ዓንደ።

“ኣነ ዕትሮ ክመውት ርእየን ሰሚዐን ኣይፈልጥን” በሎ እቲ ጎረቤቱ።

“ኣንታ ዓርከይ ኩሉ ዝወልድ መዋቲ እዩ” ኢሉ መለሰሉ ዓንደ።

እቲ ጎረቤቱ ኣብ ፍርዲ ቤት ከይዱ ንዓንደ ከሰሶ።

እቲ ዳኛ “ኩሉ ዝወልድ መዋቲ እዩ” ኢሉ ፈረደ።

በዚ ድማ ዓንደ ረቲዑ እታ ዓባይ ዕትሮ ንባዕሉ ወሰዳ።