Yang con adada, apwoyo gin ki laluu ono gi tye lurem ma pire tek.

Apwoyo owacu ki laluu ni, “Wa cak pwur karacelo.”

Apwoyo owaci ni gi pit anyogi, gi pok tice apoka.

Apwoyo owaco ki laluu ni, “Tica me ryemo winyo tek adada.”

Laluu oyee me pwuru poto kene.

Ma Laluu tye ka pwutu doo, Apwoyo obedo mot ka wer.

Ma dong anyogi oteki, Apwoyo oryemo winyo ki yom cwiny.

Apwoyo owaci, “An mega cam ma I wi ngom, megi
ma I te ngom”

Apwoyo okayo anyogi weng ci ogwoko.

Laluu onoo lwit keken ite ngom.

Laluu onyango ni ki bwure. Okecho ma pe laare.

Gu pito layata. Laluu owaci, “An abi kayo ma I wi ngom.”

Gu tiyo i poto karacel, ki wer.

Ikare me kaju, Laluu okayo pot layata keken.

Apwoyo okayo layata ma dongo ma dwong adada okero idero ne.

Laluu oryemo Apwoyo me wang kwo. Te lurem oket.