U-Anansi isicabucabu esivilaphayo.

Uyakuthanda ukudla, kodwa uyavilapha ukukupheka.

Nangu esevakashela uGwajo, usecela unogwaja ukuba amuphe imifino yakhe.

"Kulungile ngizokupha. Ngisize ngokugoqoza."

Kodwa u-Anansi uyavilapha.

"Ngisathi shelele, ngizobuye ngibuye," kusho u-Anansi.

U-Anansi athandele ulwembu emlenzeni wakhe, nasebhodweni likaGwajo.

"Ubodonsa ulwembu uma imifino seyilungile," kusho u-Anansi.

Adlulele ezinkawini.

"We zinkawu, ngicela ningiphe ubhontshisi wenu?" kucela u-Anansi.

"Kulungile. Sisize ukuqoba."

"Ngiyabuya," esho ethandela obunye ulwembu, edlulela kuNdlovudawana.

"Ndlovudawana, ngicela ukuzwa amazambane akho?"

"Kulungile. Ngisize siwalungise."

"Ngizobuya," esho ethandela obunye ulwembu.

Ngokushesha, yilowo nalowo mlenze ka-Anansi wabe uthandeleke ebhodweni.

Khona manjalo, u-Anansi wezwa ukudonseka emlenzeni wesibili. Kwaba kowesithathu.

Yonke imilenze eyisishiyagalombili yadonseka.

"Musani ukudonsa!" kukhala u-Anansi.

Akekho owezwa ukukhala kuka-Anansi. Ulwembu banqamuka ngabunye ngabunye.

Imilenze ka-Anansi yadonseka, yadonseka.

Kungakho nje zonke izicabucabu zinemilenze emide eyondile.