Tsinyanga tsialiho khale, olububi lwaliho nilwakulikhwa Anansi. Omukhaye wa Anansi yali yamanya okhuteekha muno. Ne Anansi yali niyachama okhukhombakhomba kho efiakhulia fia bandu bandi betesheranga nende abananzu tsiabu khulukongo.

Inyanga ndala, lwema hambi nende inzu ye Eshituyu. Eshituyu shiali omwitsa waliomuno. "Eliani liamasafu lili mununjiro yiyo," Anansi naboola nobusangali. Anansi yali niyachama eliani liamasafu. Eshituyu nishiboola, "Lishiri okhuyia nabutswa lili hambi. Linda oliekho ninasi. Ndakhekombere ukhonye, endikho ne efindu fiokhukhola." Anansi naboola bwangu bwangu, "Siesi endikho ne efindu fiokhukhola."

"Ndalakhulanga endie eliani niliakhayia?" Eshituyu nishireeba. Anansi napara khufise fitutu.  Anansi naboola, "Ndalalukha olububi, ne ndalaboya elubeka ndala khushilenje shianje ne elubeka undi khunyunguyo. Eliani niliakhayia, khwesa olububi ne ndaletsa tsimbiro." Kho Anansi naboa olububi khunyungu ne natsia.

Mufise fitutu, Anansi yalola lishene ne omukhasi waye bateekhanga amenjera munyungu ikhongo. Amashene nikalanga,  "Itsa khulie amenjera. Kali hambi okhuyia." "Ndakhekombere okhuliakho habula endi ne findu fiokhukhola," Anansi nakalusia muburi mbu amashene kalenya abakhonye ekasi. Ne khandi, Anansi naboola mbu alakasiribwe akaye khulububi ngolwambeli mbu elubeka ndala wolububi iboywe khu shilenje shishie ne elubeka lundi khunyungu wa amenjera. Omukhulundu lishene napara mbu elo ne liparo likhongo.

"Embunyilisia amapwoni amalimi. Embara namapwoni nende obushi! Nabaleka naunyilisia nobusangali ne nabotokhana kaala."    "Anansi," omwitsawe Ingurwe nalanga. "Inyungu yanje yitsulemo amapwoni nende obushi! Yitsa khufilie ninawe.  "Ndakhekomba endio," Anansi naboola akolububi khandi mbu alakasilibwekho ne naboyele khushilenje elubeka ne khunyungu elubeka indi. Omwitsawe Ingurwe napara mbu elo neliparo likhongo. Kho nikafuchililwa kario."

Efise fia Anansi yolera khumwalo, yali naboyelwe olububi khu buli eshilenje khufilenje fie munane fiosi. "Lino libere liparo liamakana." Anansi niyeboolera ne isunga. "Embuka ne inyungu ya wina eyilaranjiririra okhuyia?" Ne obwangu obo Anansi yaulira eshindu nishikhwesa shilala khu filenje fie. "Ee! Olo nolububi luboyerwe khunyungu ye liani liamasafu ye Eshituyu," Anansi naboola.

Yaulira olundi, khandi olundi. Anansi yataanyulwa tsimbeka tsitaru eshise shilala. "Bayie," Anansi naboola olwayaulila olusia lwa khane lwayiinga. Nende olwa khasasaba nende olwa musafu. Nende olwa munane. Anansi yakhweswa eno nende elia tsisia tsiosi munane. Efilenje fie fiosi munane fiatanyuulwa nifinyerala.

Anansi yeshukhasiashukhasia lwangu nakwa mumwalo. Nolwa tsisia tsiosi tsiali nitsikhalishe. Nabaleka yechingula nobutsuuni namola kaala narula elwanyi khulukuku. "Bayie, bayie," Anansi niyesia emiuya. "Khane elo shilibeele liparo lilayi tawe." Inyanga eyo Anansi shiyanyoola kho eshiakhulia shiosi tawe. Okhuula nyanga ino, Anansi ali nende efilenje munane efinyerere.