Pale azini ndra alu drio ebiombamba azini ndra ci run i Anansi `i. Anansi vile oku ri ni ndra `ba azi nyaka a`dipi onyiru ni. Te Anansi ni oku o`du driasi le nyaka `ba azi `diyi ni a`di yi ma ngulupi ni aku yini `diyi be `diyi ma aji `bi.

O`du alu mu asi etoo vile akua. `Etoo ni ndra eri ma agyi azi onyiru `dinile ni. Anansi nga `yo erini ayikosi kini, "tibi ini mi vile emvu alia `da ci" Anansi le ndra tibi ini tu. "A`di ni nga ku," etoo omvi. "Te yi `ye ace were a`di a`di. Ite `dia anya ki mi be ra ka ka."

"Ma ta ce aa ayikosi nyaka nyazu mi be, te e`yo azi mani le mu `ye ni yi ci" Anansi omvi rua yaza be a`disiku ni ra I ka awi etoo vile jua `da eto ni nga Idri azi fe ngara. "Anira " Anansi nga `yo ma nga ibio ma imba se. Ma tini alu ri a`di ma pa, ma azini ri a`di mi vile emvu rua. Tibi ini nde ka di a`di `bo, mi aya di ebio emba nderi ra ma nga enzu `dole ongusi!" Eto niria `da egata azi onyiru ni `dini, ani nga `ye `dile ra."

"Ma `doa mani kaiko ma aji ngu" Anansi se aji ni ayiko be asia tre tre. ''Kaiko aji be ndriza ru ri ni a`diria emvu alia" "Mi emu ama ma nya ama vile kaiko mi pie tualu" oyoa nga `yo. "Yi `ye a`di dede" ale te ce nya emi be ra, oyoa ata ru ri" Anansi nga `yo. Anansi nga vini egata azini fe dika kini I nga ebio ma emba pi, I tin i alu ri `yi ima paa, I aziniri `yi emvu osu ni a`dizu ri ma rua. Oyoa ata ru ri ega kini `da egata azi onyiru ni. Ani nga `I `ye `dile.

"Ma `doa maku ma aji ngu" ebio se oli ayikosi erini agaria. 'maku anyu be, ma ni ega risi!' "Ebio" eri ma agyi oboloko omve eri. "Ma vile emvu ga tre maku si azini anyu si! Mi emu ama ma nya nyaka mi be " "Ale te ce we ra " ebio `yo. Fe vini egata dika kini I nga ebio ma emba pi, I tini alu ri ombe ima pa, I tini aziri ombe emvu maku be ri ma rua. Erima agyi oboloko ega kini `da egata azi onyiru ni. Ani nga `I `ye `dinile ra Saa Anansi ni eca zu yi tia ri si, de ombe ebio ma baka ima pa aro `diyi ma rua dria `bo. "`Di egata azi onyiru ni" Anansi `yo ima ngulupi ni afusi" "ma di nga `doa osu a`di vile emvu ri ni i`dio aa ngonde oko ni ya ri si.

Coti coti, ama I ma pa `ye di di. "Ee," Anansi `yo. "Di baka te mani ombe eto vile emvu tibi ini a`dizu ri ma rua rui `i" coti etumu azi ri i. Coti etumu vini azini. "ma ye," Anansi `yo ka mu baka namba su sir i etumu `bo ria Coti coti, ama baka towi ri ni `I seria. Azia zu ru `I, aziri zu ri `I azini aro zu ri `i. Anansi esu `ba i ose ndu ndu saa aluria. `Ba e`do di eri ose `dale `dole, kile `ba dria ni baka se sa alu ri si rile. Eri ma pa e`do ki yi ase izia izia izia.

Anansi li `I mbeleru yi alia. Yi ka di mu baka `dayi oji de woro `bo, ebio nga di `I ese `ee `ee be kpere yi eku tia ''Ma ye, ma ye" Anansi nga `yo "ka ni `da aa vini nga egata muke ni ku ya ani ya" E`dozu saa `dasi kpere andru ebio ma pa yi di izia izia aro. Awini vini nyaka esu nya o`du `dasi ku indi."

Anansi rolled quickly into the river. When all the webs had washed away, Anansi pulled himself painfully up on shore. "Oh my, oh my," sighed Anansi. "Perhaps that was not such a good idea after all." To this day, Anansi the Spider has eight very thin legs. And he never got any food that day at all.