Ivinda ya tene, tene vyu, vee mbuavui weetawa Anansi. Kiveti kya Anansi kyai muui museo.

Ateo kila ivinda, Anansi niwendaa weuni kusamasama liu ula andu utuini mayauaa vamwe na misyi yoo.

Muthenya umwe avitila kwa Mbaluku. Kavaluku ai munyanyae. "Ve mboka mbisuni," Anansi aneena ewite muyo.

"Syinamba kuvya," Kavaluku amutavya Anansi. "Ateo nisyuvya mituki, eteela tuye vamwe."

"Nindonya kwendeew'a ateo nina syindu ngwika," Anansi asya na mituki. Ukethia etelile ethiwa aneewa wia eke ni Kavaluku.

"Ninisi," Anansi aweta. "Ningwaka ulwalui. Ningwovea ulwalui umwe kuuni kwakwa na ungi mbisuni yake. Liu wavya kusya ulwalui umwe na ninguka nzembete!"

Mbaluku oona uu ni useo na awika."

"Ningwiw'a mboso syunyunga," Anansi aneena atembeete.

"Mboso syina muyo, syi mbisuni syuvya. Uka tuye mboso situ," makuli mamutavya.

"Syangiie kuvya. Nindonya kwendeew'a Tata nguli," Anansi asya.

Na ingi asya ni ukuseuvya ulwalui na oveye umwe kuuni na uungi wovewe mbisuni nene ya mboso. Tata Nguli niwoonie kana uu wai useo na awika.

"Niwa makwasi mainyunga," Anansi aneena ena muyo atembeete. "Makwasi na uki wa nzuki, ningwisilya."

"Anansi, mbisu yakwa yusuite makwasi na uki wa nzuki! Uka tuisanie," munyanyae kithangaite amwita.

"Nonendeewe." Anansi na ingi asya nukuseuvya ulwalui na umwe wovewe kuuni kwake na muthia ungi wovew'e mbisuni ya makwasi.

Munyanyae kithangaiti oona uu ni useo na eeka w'o.

Ivinda ila Anansi wavikie usini aina ulwalui wovewe mau make nyanya. "Uu ni undu u useo," Anansi aiya ena muyo. "Ndyisi ni mbisu yau ikuvya mbee."

O saa isu Anansi eewa ulwalui umwe wakitwa. "Oo," Anansi atumua, "Usu ni ulwalui ula wovewe mbisuni ya mboka sya mbaluku."

Ew'a ulwalui ungi. Na ungi. Anansi akuswa kundu kutatu ivinda yimwe.

"Auaa," Anansi atumua ila wewie ulwalui wa kana wakuswa. Osaa isu eewa ulwalui wa kataano wakuswa. Na wathanthatu. Na wa muonza.

Anansi akuswa ngali ii na iya, kila umwe aikusya. Maau make makuswaa nginya mathekeva na mathekeva.

Anansi avingilita alika kiwuni. Ila molwalui oonthe matwaiswe ni kiwu, asyoka yingi akwiwa woo ngukani.

"Ai, ai, ai, ai," Anansi avevuuka, "Nikwatya uu ndwii undu useo, ona vanini."

Kuvikia umunthi mbuavui Anansi ethiwa na maau nyanya matheke muno. Na muthenya usu ndaakwata liu ona umwe.