አናንሲ ሰነፍ ሸረሪት ነበር፡፡

ምግብ ቢወድም ማዘጋጀቱን ግን ይጠላል፡፡

አናንሲ ጥንቸል ጋ ሄዶ ‹‹አትክልት ስጪኝ›› አላት፡፡

ጥንቸልም ‹‹እሺ፣ ወጡን አማስልልኝና›› አለችው፡፡ አናንሲ ግን ስራ አይወድም ነበር፡፡

አናንሲ ‹‹እስኪ ቆየት ብዬ እመጣለሁ›› አላት፡፡

አናንሲ በእግሮቹ ዙሪያና በጥንቸሏ ድስት ዙሪያ ድር አደራባት፡፡

‹‹ምግቡ ሲበስል ይህን ድር ሳቢው›› አላት፡፡

‹‹እናንተ ዝንጀሮዎች፣ እስኪ ምግብ ስጡኝ›› ሲላቸው ሸረሪቱ እነሱም መልሰው ‹‹መክተፉን ከረዳኸን እሺ›› ሲሉ መለሱለት፡፡

‹‹መጣሁ›› አለና አናንሲ ብዙ ድር አደራባቸው፡፡

‹‹አንቺ አሳማ ድንች ታበይኛለሽ?›› ‹‹ማዘጋጀቱን ካገዝከኝ ችግር የለም፡፡››

‹‹መጣሁ›› አለና አናንሲ ብዙ ድር አደራባት፡፡

እያንዳንዷ የአናንሲ እግር ከድስት ጋር ተሳሳረች ማለት ነው፡፡

አናንሲ ሁለተኛውን እግሩን የሆነ ነገር ሲስበው ተሰማው፡፡ ሦስተኛውንም…

ስምንቱም እግሮቹ እየተሳቡ ነው፡፡ ‹‹እንዴ በቃ አትሳቡኝ!›› አለ አናንሲ፡፡

አናንሲን ማንም አልሰማውም፡፡ የሸረሪት ድሩ አንድ ባንድ ተበጣጠሰ፡፡

የአናንሲ እግሮች ተሳሳቡ፡፡ በዚህም ምክንያት ሁሉም ሸረሪቶች እግሮቻቸው ረዘሙ፡፡