Munansi nawumbuli munafu.

Ayenda okulya, aye munafu okufumba.

Munansi akyalira Wakamyu era yamusaba bagabane ebivaava bye.

Wakamyu yakoba, "Iyi. Nnhambaku no okukuyugamu."

Aye Munansi munafu.

Munansi yakoba, "Ndidha kwira eira."

Munansi yasiba empumbi okwetoolooza ku bigere bye ni ku nsaka ya Wakamyu.

Munansi yakoba, "Sikula empumbi ebivaava bwe binaaba biyiire."

"Nsobola okulya ku bidhandhaali byaimwe?"

"Iyi. Tuyambeku no okwasaaga."

Munansi yakoba, "Ndidha kwira eira."

Yasiba empumbi eyindi.

"Wambiidhi, nsobola okugabana ku mbooli dho?"

"Iyi. Nnhambaku okusosola."

"Ndidha kwira eira," Munansi yakoba.

Yasiba empumbi edhindi.

Okwikaikana, nga buli mugulu gwa Munansi musibe ku nsaka.

Munansi awulira okusika ku mugulu gwo 2. Ni kugwo 3.

Amagulu gonagoona 8 gali kusikibwa!

"Leka kusikula!" Munansi yalira.

Ezira awulira Munansi nga ali kulira.

Empumbi dhikutuka ndalandala.

Amagulu ge gadhuumwiike!

Era batyo ba nawumbuli bali na bugulu butono.