Nitwoo mi yee wɔbet mara ŋɔ wa'a.

Amaa saha siega ha, wɔbeg ŋɔr da aa gelega ka kareg
a woo ta-ared la be o nindaa sinsɔk.

Ba da dua wɔbeg bii. O da nɔŋa o veehet won siel woo. O da mar buohug me teet bunkɔbeg woo.

O da veehet won sankbarug me ka bueh yee. "Lan n taeh ka e nanguor wa’a nwala?” o buohug n la.

O da veehet won emer me. "Lan n taeh ka nyen iilɔ a siiliga?" o bueh ɔ me.

O da veehet won Hippo me. “La’n taeh ka e mar ninziehe?”. O bueh ya.

O da veehet won baŋ, “Yam bah dira lane zaanuore?” O le bueh.

“Da man dueh duoh koŋ baaba!” O ma yela åwala. Ka ken ka ba ho, zum o ninbia.

Yam daan gaog da lebeh kalam yel o yee, “Dolem paa moar ne. N neŋ a e nan nye bah n diit siel”.

Wɔbeg bii da doh gaug keng moar ne.

O da liah moot la ne do moar la zug. O da wol moar ko’om la ne. O nye baŋ ya?

"Tooma." Kuger n da dɔ pɔrega moar zug, puoho.
"Naa tooma." Yel me, bah dira lane? Wɔbeg bii da sa'a puohug ka le bueh nwala.

"Paagem pɔrega na ka m yel e," Kuger yela nwala. Wɔbeg bii da kebel ko'om la ne.

La pu keng ha! Kap! Baŋ gi wɔbeg bii ŋɔr ne o nyina.
“Banŋ na zaŋee eŋ o zaanuor bii!” Gaog kyia ya ka ak kyen.

Wɔbeg bii da paa ziin o nɔb kara kpe'emazug ka dat.
Ka baŋ sin ka gi nur kang kang mar.

Wɔbeg bii ŋɔr paa dɔlegre, dɔlegre ka o te lu, Pupp.

Banŋ da miih kuom lane o suya da nyii ne ne o’n da guu o zaanuor dii la.

Wɔbeg bii ŋɔr geleg la pana dɔleg lebeg ŋɔ wa'ar.

O ŋɔr wa'arem zug ka o paaget teeh yella saazug ha.

O ŋɔr la pana va wa’a me ka o nan nyan kaih kuom giel o nyan’aŋ. Da yi saŋ aŋ, wobed za’a wuo paa mara ŋɔr wa-a ka a soŋre ba.