Wairenha, Ajawo, yalambaala mu nhumbaye nga mulwaire inho. Yali ezira asobola kumubumbuudha.
Aghoni, Ajawo yaafa.
"Ajawo afiire. Tuli nookweta ebekikakye bamuziike." Balilanwabe bwe baakoba batyo.
Balilaanwa baaja ye Wakinhonhi baamukoba bati, "Owe ekikakyo afiire."
Ba Wakinhonhi baidha baabona nga ni Ajawo. Baakoba bati, "Ono wansolo ti wa kika kyaife."
"Abali mu kika kyaife bonaboona baliku amooya aye Ajawo aziraku waire. Kale, tali mulala ku ife." Ba Wakinhonhi baagolola.
Abalilaanwa beekobaana. Baikiriza bati, "Ba Wakinhonhi batuufu. Ajawo azira mooya. Kale, ti wa kika kyaibwe."
Mulala kubo yakoba ati, "Yakaba wa kika kya Ba Wampube. Abafaanana."
Abalilaanwa baaja era baaleeta Ba Wampube nga bakoba bati, "Omulala ku imwe mu maka afiire."
Ba Wampube baidha baabona nga ni Ajawo. Baakoba bati, "Ono wansolo ti wa kika kyaife."
"Buli mulala mu kika kyaife aliku omukira. Ajawo azira mukira." Ba Wampube baavaawo.
Ezira wa kika kya Ajawo eyabonekaku. Ajawo yasigala agho tiyaziikibwa.