Arai kolong Ekales ka Ng'atuny ng'ipaalon luminan. Aurito kechi daang.

Etanene Ekales ng'itak keng lokojok, totuma.

Adit akimuj ariamuniyete ng'itak lua ng'atuny, ekarit kechi.

Apei kwaar abu Ng'atuny tokienyik ng'itak a Ekales tominasi kitamak tama, "Ibusak ng'itak akales, esibit tarai ng'ikang!"

Apaaranit apei emam Ekales anawi, abu Ng'atuny tochuna ng'itak lua Ekales, yaa nawi keng.

Ani elunyun Ekales, dio toriamu ng'itak lua Ng'atuny make anawi keng. Kikalou tama, "Aliwae eya ng'itaka kang?"

Dio Ekales kipung'ar tout nawi na Ng'atuny, abu ng'esi torukau ng'itak keng erikit ng'atuny.

Abu ng'atuny kimika Ekales ng'itak keng tama, "Arata luku ng'ikang, tolema iyong luche."

Tong'oo Ekales tonyunyur. "Ekokini ayong abuuni ng'itak kang ai?" Kitamak ng'esi.

Ekisidi abu kitama tama, "Anyarauni ayong ng'itiang daang lokuko, potu totiaka ekesi lo."

Akolong'it na ewapit ng'ina, apotu ng'itiang dang tochunakainos loger losek abala Ekales.

Abu Etom topoloki ekiriam ng'olo, eking'aren tanyarau ng'esi Ekales ka Ng'atuny tang'aasi ekiyan.

Nakaneni, alotooma ekiyan ng'olo aemito ng'itiang luche daang alimokin Ng'atuny ateni.

Ani kedol esal, abu Kunyuk kilip akitach ng'akiro ng'una. Tolimu ng'esi tama, "Ng'ika Ekales ng'itak lu ikote ng'ikieny, lua Ng'atuny lubuluknyang'ayek toyakatar ng'ikosiman!"

Napei kona tama Kunyuk alomar tooma nititipu-uu, jir-ripp! Kiyikis ng'itiang luche daang ng'akiro ng'una aapei, topetaros.

Tong'o Ng'atuny akolong'it ng'ina lokojokon dio toriko ng'itak lukeng lubuluknyang'ayek tolot nawi keng.