Document

Mor Koth Kodi Lith Koth

Owino Ogot

Jesse Breytenbach

Cango, cango oyido Mor koth gi Lith koth jo bedo i piny ka gi ji.

1

Mor koth obedo min Lith koth.

2

Lith koth oyido obedo jange aka doko obedo ja kwinyo.

3

Kisi ka Lith koth omako nge oyido kidho kisi kamoro waŋo udi ni, "Pia-la-la-la, pia-la-la-la!" gi redho yen. Go oyido nyeko kiri ndelin aka ruman neko ji.

4

Kisi ka Lith koth otimo kite gikipiny me, min go lwoŋo go gi koko ni, "Bum-rambo-la-la-la, la-bum," ka mito ni wogiki gi kenyo aka doko wokiri womedi nyeko gikipiny.

5

To Lith koth ku dewo kwoŋ gi ma min waco. Go oyido onyo medo nyeko gikipiny tekin nge medi mako go.

6

Hongo ma cowe ji jo dhiro ywak pajo ri kere.

7

Kere owodho cik ni Mor koth gi wode, Lith koth, jo ripo weyo loka no jo wokadhi jo wobedi bor gi pecin pa ji.

8

Meno ku konyo tektek. Ka Lith koth omako nge fodi waŋo awaŋa lule ni, "Pia-la-la-la, pia-la-la-la!" aka ruman mac lak to waŋo kir ndelin.

9

Ji jo goyo koko ri kere kendo.

10

Kere oryemo woko lith koth gi mor koth i piny. Omiyo jo bedo i polo, kama jo kunyali timo iye teko.

11

Woki ndirino ka Lith koth omako nge fodi go timo ni, "Pia-la-la-la, pia-la-la-la!" Aka fodi wawinjo yok mere, ka bwoko go ni, "Bum-rambo-la-la-la, la-bum!"

12

You are free to download, copy, translate or adapt this story and use the illustrations as long as you attribute in the following way:

Mor Koth Kodi Lith Koth

Author - Owino Ogot
Illustration - Jesse Breytenbach
Language - Dhopadhola
Level - First paragraphs