Kagiso o nyaka diaparo tše diswa tša sekolo. Tatagwe o mo iša mmarakeng.
Kagiso o bona mošimane a apere hempe ye botse. "Ke hempe ye botse kudu," Kagiso a nagana.
"Ke duma go ba le hempe ya mošimane yola," Kagiso a realo.
"Bona, ba rekiša dihempe tšele tše di kgethegilego," Kagiso a realo. "Tate, ka kgopelo nthekeleng ye nngwe ya tšona."
"Kagiso, ke swanetše ke reke diaparo tša gago tša sekolo," gwa realo tatagwe.
"Ga kena tšhelete ya go lekana go reka hempe yeo," tatagwe a realo.
Tatagwe Kagiso a lefela yunifomo. O maketše ge a boelwa ke tšhentšhi. Go šetše tšhentšhi ya go lekana go reka hempe yela!
Ke letšatši la mahlatse la Kagiso! Naa o tla kgetha hempe efe?