Ndhawu ya Sinyaire yi rhendzela hi swintshabyana. Tinyoka to tala ti tshama exihlahleni eka swintshabyana leswi. Nyoka leyikulu swinene vaaki a va yi vula Unyalego. Nyoka leyi a yi chavisa vanhu vo tala hikuva a yi mita hinkwato timbuti na tinyimpfu.

Siku rin'wana, Apiyo, Ajoh na Atieno va yile exihlahleni ku ya kuva tihunyi. Kokwa wa vanhwana wa xisati u va tshinyile a ku, "Mi tivonela eka Unyalego nyoka leyikulu. Mi nga teki xin'wana exihlahleni handle ka tihunyi." Ko va Ajoh ntsena loyi a nga yingisangiki kokwa wa yena wa xisati.

Vanhwanyana va rhwarile ntswamba, tibanana, mihlata na mati. Va tekile tintambhu to tsimba tihunyi na mabanga ya ku tsema tihunyi. Endzhaku ka sweswo, va sukile va ya exihlahleni.

Endleleni, vanhwanyana va burile na ku hlekelela. Hi xihatla, Apiyo, lonkulu eka hinkwavo, u te, "Miyelani. Hi fika laha Unyalego a tshamaka kona."

Atieno a huwelela lavan'wana, "Langutani, hi lawa meno ya nsuku ya Unyalego. A hi ma tekeni." Apiyo u va tsundzuxile a ku, "Mi nga rivali xitsundzuxo xa kokwana wa xisati. A hi fanelangi ku teka xin'wana na xin'wana exihlahleni handle ka tihunyi."

Ajo a ku, "A ndzi n'wi tshembi mina kokwana wa xisati. Ndzi ehleketa leswaku kahlekahle u vurile sweswo ku hi tshikisa leswi hi swi lavaka. U na mavondzo eka hina. Ndzi ta teka meno ya nsuku." Vatati wa yena a va vilela. Ajoh a nga yingisangi.

Hi nkarhi wolowo Unyalego yi tile ku ta languta meno ya yona. A yi hlundzukile hikuva a yi ma kumangi meno ya yona ya nsuku eka ndhawu yin'wana na yin'wana. Endzhaku ka sweswo, Unyalego yi twile vanhwanyana va bula na ku hlekelela. Yi tumberile ehansi ka ribye etlhelo ka gondzo laha vanhwanyana a va ta hundza hi kona.

Vanhwanyana va rhwarile tihunyi ta vona hi tinhloko ta vona. Hi xihatla, va twile ku "Hzzzzzzzz!" Va chavile kutani va ringeta ku tumbela. A ku ri na Unyalego nomu wa yona wu ahlamile swinene, wu tiyimiserile ku luma.

Unyalego yi vutisile vanhwanyana yi ku, "Xana i mani loyi a nga teka meno ya mina ya nsuku?" A ku na loyi a nga hlamula. Nyoka yi tekile xiboho xo kambela vanhwana. "Un'wana na un'wana loyi a nga riki na nandzu, u ta kota ku yimbelela handle ko endla swihoxo. U ta ya ekaya na tihunyi ta yena. Kambe loyi a nga na nandzu u ta endla swihoxo. U ta va swakudya swa mina masiku manharhu lama landzelaka!"

Apiyo u sungurile ku yimbelela hi rito ra kahle. Endzhaku ka sweswo Atieno a yimbelela risimu.

Eku heteleleni, ku vile nkarhi wa Ajoh. A a chava. U yile emahlweni kutani a sungula ku yimbelela. Kambe ku yimbelela ka yena a ku twala ku chavisa na marito a ma nga tshamisekangi. Untalego yi bile huwa, "A wu koti ku yimbelela kahle ku fana na lavan'wana?" Nyoka a yi swi tiva leswaku Ajoh u tekile meno ya nsuku.

Unyalego yi mitile Ajoh. Vatati wa yena va tsutsumile va tlhelela ekaya ku ya hlamusela mhaka leyi.