Kale kwa simuluo nekusina folofolo yamautu. Kaufeela azona neli ohobanga fa fasi.

Konji feela batu bane bana ni mautu bakeng'isa kuli Maguru nafile batu mautu ahaye.

Lizazi leling'wi Maguru anahana kufa mautu ahaye kwa fololo kaufeela. Azamaha munzi kaufeela inge auwaka inge aba taluseza. Nabata kuli folofolo kaufela izamae inge mutu.

Lifofolo zataba ahulu aliutwa kuli likafiwa mautu. Folofolo ni folofolo neibata kuba ni mautu kuli ikale kuzaha niku mata. Zabina, za opela, zaemisa mihata niku ipukumuna nimafufa azona.

Lifolofolo zakopana nikuikambota kaza butata bonobafumana kwaku hohoba. Mubu neuba falula mwa limba zabona. Mautu akakonanga kubatusa kunanuha nikubona kwaule inge batu mwanebaezezanga kubonela kwaule.

Lizazi anelifitile lifolofolo, za hohobela ku Maguru kuyonga mautu azona. Litutwa, litau, litou, lioshakame, likwena, nili nyunywani zaema mwa mifolo nikulibelela kufiwa mautu azona.

Folofolo ni folofolo neifilwe mautu amane. Linyunywani neli filwe amabeli amabeli.

Lifolofolo zabonahala kucinja fa mautu. Zeng'wi zabina katabo. Zeng'wi neli fumana butata kuzaha neli wanga nifafasi.

Zazamaha munzi kaufeela kusupeza batu kakwitalifisa. Lifolofolo kaufeela zabulela kuli, "Aluna kuyo hohoba hape."

Folofolo yama felelezo neli likondondo mwamukoloko. Maguru abuza, "Kuna niyomung'wi babamilatelela?" "Batili, kina wamafelelezo," Likondondo lahalaba.

Maguru anahana, "Aiba akuna yasiezi, nikaeza ng'I nimautu asiezi?" Maguru afa mautu kaufeela anasiezi ku likondondo.

Likondondo lazwa inge litabile bakeng'isa kuli nelifilwe mautu amang'ata. "Nikazamaha kakwankufa kufita lifolofolo kaufeela," anahana.

Asazwa feela likondondo, noha yafita kwa ndu ya Maguru. "Maguru, osho nalapela nife kwa mautu," Noha yaikokobeza.

"Nifile mautu kaufeela. Noinzi kai?" Maguru abuza. "Nenilobalelezi," ahalaba noha.

Maguru ababata mwandu kuli mwendi kusana ni mautu asasiezi. Kono nasikafumana neli leliling'wi.

Maguru azwela fande nikutobulela, "Uniswalele noha, akuna mautu asiezi." Noha yahohoba kukutela kwandu inge isina mautu. Kuzwa lizazi onalale noha ailobali nako yetelele. Ilibelelanga nako kaufeela kuli mwendi ikafumana mautu.