Kale saana, kwali umulumendo umubi saana icakuti tapali abamutemenwe. Nangu bafyashi bakwe tabamutemenwe. Pang'anda aleeikala eka ilyo ulupwa lonse baleeikala mung'anda baletamba TV.

Kusukulu aleeikala eka abanankwe nga baleeangala.

Aleenda eka kunuma yabanankwe ilyo baaleeya mukucema ing'ombe, tabaaleefwaya ukwenda nankwe.

Bushiku bumo atontonkenye ukufuma pang'anda. Alyendele mpaka afika mumpanga iikulu. Alyumfwile umwenso leelo alitekele umutima ilyo amwene ukuti takwali umuntu wakulanda nao. Pantu tapali uwamutemenwe.

Ilyo aali mupeepi nookwingila mumpanga, akakote akafiko akabipa pamenso kaishile. Kaali muposheshe elyo kamwipushishe umulandu aleeingilila mumpanga iyafina filya. Umulumendo aliipapile ukumfwa umuntu aleelanda nankwe. Aebele akakote ati tapali uko aleeya. Aleendaukafye pantu tapali abamutemenwe.

Akakote kaliipwishe umulumendo ngacakuti aleefwaya ubwafwilisho. Alyaswike ati, "Emukwai." Akakote kamwebele ati ilyo takalamwafwa mulumendo aalingile ukukamyanga kumenso mpaka kawama nookuyemba.

Umulumendo takwete cimbi icakucita kanofye ukukamyanga pakuti kengamwafwa. Umulumendo aalikamyangile akakote. Akamyangile amanong'o mumenso, akamyangile ifimina mumyona nookumyanga ifiko mumatwi. Amyangile pamenso ponse mpaka fiko fyafuma kamoneka akayemba.

Akakote kaalimutootele mulumendooyu. Kaatiile, "Walaasanga ifintu ifisuma mumpanga leelo wisendapo icili conse. Uleetefye umushila walasanga."

Umulumendo ulya alibutwike ukufwaya kuti amone ifintu fyapusanapusana mumpanga. Ilyo talaingila mumpanga akakote katiile, "Mulumendo bwela kuno!" Alibutukile kukakote. Akakote kaali bwekeshepo, "Teekwesha ukubulapo icintu icily conse. Uleetefye umushila walaasanga." Umulumendo asuminine ku mutwe nookuya aya mumpanga.

Ilyo talaingila mumpanga aumfwile ishiwi lyakuti, "Mulumendo bwela kuno!" Umulumendo alifulungene. Taishibeefyo akakote kaleefwaya. Alibweleelemo kukakote. Akakote katiile, "Walaasanga ifintu ifisuma mumpanga. Uleetefye umushila walaasanga." Umulumendo asuminine ku mutwe nookuya aya mumpanga.

Ilyo talaingila mumpanga aumfwile ishiwi lyakuti, "Mulumendo bwela kuno!" Umulumendo alifulungene.  Taishibeefyo akakote kaleefwaya. Alibweleelemo kukakote. Akakote katiile, "Walaasanga ifintu ifisuma mumpanga. Uleetefye umushila walaasanga." Umulumendo asuminine ku mutwe nookuya aya mumpanga.

Mukati mumpanga, asangile imbale naisula lupiya. Abuulile ulupiya abika mwitumba lyakwe. Palya peene aibukiishe ifyo akakote kamwebele. Abuulile ulupiya abwekeshapo pambale.

Akonkenyepo ukwenda. Amwene ifyakufwala ifisuma ifipya. Afuulile ifyakufwala nookufwale fipya. Aibukishe ifyo akakote kamwebele. Afuulile ifyakufwala fipya nookufwale fyakale.

Amwene umushila. Umushilooyu walifootele kukasuba. Elyo aaipwishe umwine ifyo akakote kaleefwaya acite noomushilooyu. Mupeepi noomushila paali imbale iyakwete ifyakulya fyaleenunkila bwino ico aali neensala. Alifililwe ukushipikisha.

Ilyo apwishishe ukulya aibukishe ifyo akakote kamwele. Kamwebele ati alingile ukusendamofye umushila. Afwaile apaali umushila tapamwene.

Umulumendo afumine mumpanga naumfwa ububi. Abwelelemo kukakote ukuti akeebe ifyacitike taakasangile.