Inkonko na Ciyongoli baali ifibusa nomba baalitemenwe ukucimfyanya mufyangalo. Batampile ukuteya umupila wakumakasa ukutila bamone uwaishibishe saana.

Baile ku cibansa ca mupila batampa nookuteeya. Inkoko yalikwete ulubilo nomba tayaleesha Ciyongoli. Inkoko yapantile umupila ukutali leelo Ciyongoli nga apanta umupila, aaleecilapo. Inkoko yaalifulilwe.

Baasuminishenye ukupantila umupila mucipanda pakuti uwakwikata umupila ekate. Inkoko yaliingishako kamo. Elyo yaisafika inshita ya Ciyongoli ukupanta umupila mucipanda.

Ciyongoli aaliipanta nookwingisha umupila. Ciyongoli apikile umupila nookwiingisha. Ciyongoli alyumine umupila kumutwe nookwingisha. Ciyongoli aingishe utukato tusaano.

Inkoko yaalifulilwe pantu yaaliluushile. Yaleeluusa saana. Ciyongoli aambile ukuseka nookutumfya umunankwe.

Inkoko yalifulwa saana icakuti yaiswiishishe akanwa nookumina Ciyongoli.

Ilyo Inkoko yaleeya kung'anda, yakumenye bana Ciyongoli. Bana Ciyongoli baipwishe ati, "Taumweneko umwana wandi?" Inkoko taya aswike. Bana Ciyongoli balisakamene.

Bana Ciyongoli baumfwiile akalishiwi akanoono mupeepi kaleelomba ubwafwilisho kuli banyina. Bana Ciyongoli balolekeshe konse nokuumfwikisha. Ishiwi lyaleeumfwikila munkoko.

Bana Ciyongoli balipundile abati, "Bomfya amaka yobe ayaibela mwana wandi!" Ifiyongoli filanunka ububi saana kabili tafyumfwinka bwino mukanwa. Ilyo linefye inkoko yaumfwile ukulwala.

Inkoko yaalibukwiile kabili yamina, elyo yafwisa. Yatesemuna nookukoola. Iciyongoli tacumfwika bwino!

Inkoko yaalikoolele mpakafye yaluka iciyongoli icaali mumala ico yaminine. Bana Ciyongoli nomwana wabo baninine kucimuti bafisama nookufisama.

Ukufuma ilya nshita, pankoko neefiyongoli paaliba ubulwani.