Ibbasi lyangu lipati lya bbulu
Mecelin Kakoro
Mango Tree
ChiTonga

Kwakali biyo bbaasi lyomwe mumunzi mwaka Ebei. Lyakali lipati nkabela kalili mumusyobo wa bbulu. Lyakali lyacoongo kapati.

1

Bumwi buzuba banyina Ebei bakati, "Cinfumo tuyakuunka kudolopo tukaakuule yunifoomu yako yakucikolo."

2

Ebei wakakkomana kapati. Bakeelede kuti babelesye bbaasi lyamusyobo wa bbulu. Kwiina nakoona akoona busiku oobu.

3

Ebei wakasamide kaindi ciindi banyina nibakaboola kuti bamubusye mamfumo-fumo.

4

Ebei abanyina bakanyamuka akuunka kucitisyini camabbaasi. Bakaililindila bbaasi lipati ilisiya. Pele mukubula coolwe bbaasi taakwe nilyakaboola.

5

Abamwi bantu bakasika acitisyini camabbaasi. Bakatongooka nkaambo kakuti bbaasi lyakamuka kusika. "Sena bbaasi lyatusiya?" bakabuzya.

6

Ebei wakanyongana mukati mumizeezo. "Tatukoocikozya kuunka to kudolopo." "Tanditiicikozye kuula yunifoomu yangu sunu," wakayeeya.

7

Bamwi bantu bakakatala kulindila mpoonya bakaunka mwabo mwabo. Pele Ebei wakalila eelyo wakakaka akuunka kung'anda. Banyina bakamuyumyayumya kabati, "Tulalindila biyo kwa ciindi cisyoonto."

8

Mpobatayeeyeli bakamvwa icoongo. Bakakabona kasuko mujulu. Lyaboola bbaasi!

9

Pesi bbaasi eeli tiilyakali lyabbulu. Lyakalikusubila. Lyakalikusubila alimwi kalilisyoonto. Ibantu bakalikulindilila bakalilanga biyo bbaasi. Kwiina nibakatanta mubbaasi.

10

"Amunjile! Amunjile! Amunjile! Amunjile!" Wakaponzomoka namutekenya. "Twamuka kapati sunu," wakaamba namutekenya.

11

Ebei abanyina mbubakanjila kusaanguna. Kufwambaana bantu boonse bakanjila mubbaasi eeli lisyoonto lisubila.

12

Ebei naakalanga anze kwiinda awindo, wakabona bantu banji kapati acitisyini.

13

Alimwi bantu banji bakalikulunduka kuti abalo bakkwele bbaasi pesi bakajanika bamuka. Ibbaasi lyakazwide kaindi. Eelyo aboobo ibbaasi eeli lisubila lyakanyamuka kutalika kuunka kudolopo.

14

"Ino bbaasi lipati lya bbulu lilikuli?" bakabuzya banyina Ebei. "Lilifwide," wakamvwiila namutekenya. "Tujisi bubi kulibamba. Cifumo liyakuboola," wakayungizya namutekenya.

15

Ebei wakanyinaandaba kumusyobo wabbaasi. Wakanyina abubi kubupati bwandilyo. Wakalikkomene nkaambo bbaasi eeli lyakalikuya kudolopo.

16
You are free to download, copy, translate or adapt this story and use the illustrations as long as you attribute in the following way:
Ibbasi lyangu lipati lya bbulu
Author - Mecelin Kakoro
Translation - Vision Milimo
Illustration - Mango Tree
Language - ChiTonga
Level - Longer paragraphs
© African Storybook Initiative 2015
Creative Commons: Attribution 4.0
Source www.africanstorybook.org
Original source