Hamisi aleekabila yunifomu iipya iyakufwala kusukulu. Bawishi na Hamisi baayile mukumushitila kumaliketi.
Ilyo tabalaafika ukutali munshila ya kumaliketi, Hamisi amwene umwana nafwala ishaati ilisuma. "Mwe! Ishaati lilya lisuma ee!" efyo atontonkenye.
"Kuti natemwa naine ukukwata ishaati ilisuma ngalilya lifwele ulya mulumendo," atwalilile ukutontonkanya.
"Moneni, baaleeshitisha amashaati ayasuma," efyalandile Hamisi. "Baataata, naapaapaata nshitileniko limo fye," efyalombele Hamisi.
"Wilaangala! Icileefwaikwa ino nshita ni yunifomu capwa," efyo bawishi batile.
"Nkwetefye ulupiya ulwakumanina ulwakukushitila yunifomu yobe caapwa," efyasosele bawishi.
Kuceshuko, kwalishele ulupiya ilyo baawishi bashitile unifomu yakwe. "Kwashala ulupiya lwakumanina ulwa kushiteeshati!"
Kwena ali neeshuko leelo Hamisi! Bushe alaasala ishaati liisa?