Ho vha hu mugivhela nga masiari a nyendavhusiku ḽi tshi khou fhisa.

"Bontle, Mpho na Lerato, bvani ni yo tamba nnḓa!" Mmawe vha tshi amba. "A thi ni ṱoḓi fhasi ha milenzhe yanga." Ra gidimela nnḓa.

"Ari ye mulamboni," hu amba Lerato. "Hu a rotholela hangei." "Fhedzi Mmawe vho ri vhudza uri ri so ngo bambela mulamboni," hu amba Bontle. "Ari nga bambeli," hu fhindula Lerato. "Ri ḓo soko tamba murunzini tsini na maḓi."

Fhedzi u tamba hu tshi fhisa, naho ni fhasi ha muri tsini na mulambo ni do ḓi swa. Ro thoma nga u bvula zwienda zwashu. Ra ḓi pfa ri kha ḓi swa. Ra bvula zwikipa na zwikete zwashu. Ra ḓi vha ri kha ḓi swa.

Ra dzhenisa fhedzi milenzhe maḓini ri rotholelwe. Ra thoma u hashana nga maḓi. Hu si kale ra vha ro no ṋukala nga maḓi.

"Hai vheiwe! Kha ri bambele," hu amba Mpho. "Mmawe a vha nga zwi ḓivhi." Ra bambela ra bambela ra hangwa na nga ha tshifhinga.

Ḓuvha ḽa thoma u sunguvhela, ha thoma u rotholela. Zwiambaro zwashu zwi ngafhi?

Ra sedza fhasi ha miri. Ra seza maḓakani. Ra sedza hoṱhe hoṱhe.

Ho vha huna kholomo tsini na mulambo dzi tshi ḓiphina ga hatsi han u ḓifha. Bontle a sedza nnṱha, "Sedzani iḽa kholomo! Ndi mini tshire mulomoni?" "I khou ḽa luvha litswuku," hu huwelela Mpho. "Ndi hemmbe yanu!"

Ra lavhelesa iṅwe kholomo ye ya vha i khou la tshithu tshidala. "Ndi tshikete tshanga!" hu pfala Bontle.

Ra ya hayani nga dziphenti, ri tshi tetemela. Ho vha husina zwine ra nga ita, "Ndi kholomo," ri tshi lila. "Kholomo dzo ri ḽela zwiambaro."

Fhedzi Mmawe vho ri kholwa? Hu si kale zwidzulo zwashu zwa dudela. Hu si nga ḓuvha.