Muṅwe na muṅwe u a ḓivha u ri nḓou i na ningo ndapfusa.

Fhedzi kale ningo ya nḓou yo vha i pfufhi nahone yo khwaṱha. I tshi nga tshienda tsho nambatela vhukati ha tshifhaṱuwo.

Ḽiṅwe ḓuvha ha bebwa ndowana. Nḓowana yo ṱoḓa u ḓivha nga ha zwithu zwoṱhe. Nḓowana yo vha na mbudziso kha phukha iṅwe na iṅwe.

Yo ṱoḓa u ḓivha nga ha thudwa. "Ndi ngani ni na mukulo mulapfu," ya vhudzisa.

Yo ṱoḓa u ḓivha nga ha Tshugulu. "Ndi ngani lunanga lwau lu na ṱhodzi i fhiraho?"

Yo ṱoḓa u ḓivha nga ha Mvuvhu. "Ndi ngani ni na maṱo matswuku." Hu vhudzisa nḓowana.

Ya ṱoḓesa u ḓivha nga Ngweṋa. "Ngweṋa i ḽa mini nga tshifhinga tsha tshiswiṱulo." Nḓowana i a vhudzisa.

"Ni songo vhudzisa mbudziso yo raloho," vhe vha ralo ndi mme awe. Ya ṱuwa yo sinyalala.

Nga u ṱavhanya Funguvhu ḽa fhufhela fhasi kha nḓowana. "Ntevheleni mulamboni. Ni ḓo vhona uri ngweṋa i ḽa mini nga tshiswitulo." Funguvhu ḽa ambesa nga maanda.

Nḓowana ya tevhela funguvhu mulamboni.

Nḓowana ya fhanda vhukati ha ṱhanga ya swika ya ima khunzikhunzini. Ya lavhelesa ngomu maḓini. Ngweṋa yo vha i ngafhi?

"Hu rini," ḽe ḽa ralo ndi tombo ḽi re tsini na khunzikhunzi ya mulambo. "Ndi hone," i no ralo ndi nḓowana. "Ni nga mmbudza uri Ngweṋa i ḽa mini nga tshifhinga tsha tshiswiṱulo?" i a vhudzisa.

"Kwatamani ndi ḓo kona u ni vhudza," ḽe ḽa ralo ndi tombo. "Fhasi – fhasi" ndi tombo ḽo ambaho nga u ralo Nḓowana ya kwatamela fhasi.

Nga u ṱavhanya ningo ya nḓowana ya farwa nga mano a Ngweṋa. "Ngweṋa i ḓo ḽa inwi nga tshifhinga tsha tshiswiṱulo." Funguvhu ḽa ralo ḽi tshi tou ambela nṱha, ḽa mbo di fhufha.

Nḓowana ya sendela murahu nga milenzhe yayo yo khwaṱhaho ya kokodza, ya kokodza u dovha na u dovha fhedzi ngweṋa ya si litshedze ningo.

Ningo ya nḓowana ya tatamuwa na u tatamuwa, ya tatamuwa na u tatamuwa. Zwenezwo "bi" ya wela murahu.

Ngweṋa ya nzwaṱimela maḓini. Yo vha i khou vhilaela nga u ponyokisa tshiswiṱulo tshayo.

Nḓowana ya sedza kha ningo yayo. Yo vha yo tatamudzwa ya lapfesa. Yo vha i khou balelwa u vhona mafhelelo ayo.

Ningo yo vha yo lapfa lune nḓowanan ya kona u fula mitshelo i re matavhini malapfu lapfu.

Ningo yo vha yo lapfa lune ya kona u ṱamba muvhili yo ka maḓi ngayo.

U bva lenelo ḓuvha nḓou dzoṱhe dzo vha na musingo mulapfu u re na mushumo.