Dɛ Delo Wia Na Viiri To
Khothatso Ranoosi
Jesse Breytenbach
Kasem

Wia na ye nu to vei se o na o nyaane chana. O nyaane Chana zoore wɛyuu daa kadwoŋe kam ne mo. "A wó jwoori letei," Wia ma ta de kunkwanno.

1

Wia na kɛ to mo pweero kwei te yukwali-pwonno te vɔ.

2

Vio de teene maa jege ni-kantɔgɔ. Teene bane maa zaŋe. Te maa siiri te vɔɔrɔ te ke jei maama.

3

Wɛyuu ma bobo ko poona. Ko maa pweege.

4

Kunkkwanno wo maa chɔge te na nɛ tento to. Te maa bobo te keera. Yina dedɛ maa nuŋi te yia ne.

5

Logo maama maa bobo se ko misi na kuri ne.

6

Ye wɛyuu daa kadwoŋe kam ne, Wia yaa boŋe se o yage o nyaane wom mo. O maa bane chana ye o jwoori sɔŋɔ.

7

Wɛyuu wo deem pwoli de o na nɛ Wia na bobo o nae to. Pweero tem maa lɛ te zol-laaro na nye ne soonyua to.

8

Veo maa zo dɔɔm. Teene maa twi te nɛ ye te mɔna.

9

Kunkwanno tem wopwole dedɛ de te na nɛ Wia to. Ba vei ba wo kwɛɛra ne.

10

Teine-balɛ de laam pi te nuŋi tiga ne we, "azaane-m."  Logo kom maama nyeene mo de lam.

11

Wia nyiine o pwoone jei maama. "A tage we a wó jwoori a ba," o nyi dedɛ.

12
You are free to download, copy, translate or adapt this story and use the illustrations as long as you attribute in the following way:
Dɛ Delo Wia Na Viiri To
Author - Khothatso Ranoosi, Marion Drew
Translation - Kaba Conrald (OLE Ghana)
Illustration - Jesse Breytenbach
Language - Kasem
Level - First sentences
© African Storybook Initiative 2015
Creative Commons: Attribution 4.0
Source www.africanstorybook.org
Original source http://paleng.weebly.com/.