Dradra na ewura ko e daa wͻta nε baa tεr mo Kayanja. Mo nε mobe eche nε bumo piibiche Apenyo e daa wͻ lambuto.

Ewurapiibiche Apenyo daa walε kebita amoso benyen damta daa sha nɛ be kil. Ama ewur Kayanja daa sha kishasɔ damta.

Amata ewur Kayanja be lambu ela ewura Aluda gboŋ be lanta. Be daa ter mo na loŋ nkpal mobe bechinasapo daa dase mo na. (Edaa nyane na atu ekama nɛ efil mo!)

Ewura Aluda be eche daaŋ wu nε malaria n chenyɔ na to nε e naa sha eche.

Amoso ewur daŋso numu na yͻ ewura Kayanja kuta nɛ e ya chultε mobe kabiachesobi na.

Be ka bee bir kumo be kilejima na, bemobe kenyε Kakembo nu kumo. Mo alε nε kabichesobi na daa wͻ bel na nε e futi mobe a soε.

Ndoŋ nna nε ewura Aludah shuli fanε, e beeŋ taa mobe kapεta galga nɛ kabasibi kumaalε kpa daŋεso kechutε na so na.

Ewura Aludah nε Apenyo be kejafo be ntamanto be siriya bee wɔrɔ. Ewurna nyi anε kumo loŋ maaŋ par mobe ebiche na.

Bͻkwiε pͻε nε kijafo na be kache e fo bumobe kinyɛ Kakembo futi Apenya be asoe loŋ so.

Mobe Ewura piibi fo tuto bee wͻrͻ fo nε Ewura Aludah be Kijafo be siriya bͻkwiε ere to.

Nε ku wͻrͻ kisheŋ purwase n sa Apenyo kumobe faranku na, e mo naa nyi kanane e beeŋ wͻrͻ.

Nε e laŋε mfε mfara, "Ma ere maaŋ kil Ewura Aludah, kanyen numu daŋso na meeŋ wule n yaa wu Trevor pͻε nε ku ba wͻrͻ."

Trevor daa la Apenyo be edenpo na.

Loŋ be kanye na nε Apenyo yuri n ler lembu na to nε mo tuto daŋ pin nkpanε e yͻ agboŋ daaŋ dii mo.

Nε e bulͻ kupͻ limpiriŋ na to, n shile n dii a bee, nliŋito nɛ afinri to pͻε n fo Trevor pe. Ka yaa fo loŋ na nε e gben nε akoŋ nε achukoŋ kumo.

Trevor boshi ma edempo manε e ba fobe kanyiso nε ekpa wͻfɔ ere saŋa ere tô, E nya nyaŋ nchu nuuso n sa mo nshiŋ yige nka wushi.

Trevor maŋ jujoto n kaŋ bishi Apenyo mobe kebͻaya.

Nε Trevor bishi, "Ma edempo manε e bra dalili?"

Apenyo futε n malga kagbene jajaso, "Ntuto bee sha na nε e kil mana n as Ewura Aludah kpenso na. Ama ma ere maaŋ tiŋ kil kanyen burͻburͻ na. Trevor, fo nɛ mee sha nɛ n kil hali fo ka maŋ kͻ shεŋ ere, n wͻrͻ siiya nε anye e ji e wurfoŋ, mee sha fo ga."

Trevor shu n kaŋε mo fo nyi, "N ka maaŋ n tiŋ nya kechultε be asͻ nε fo tuto bee ŋini na, n la kabranyenbi tripo na."

Apenyo kaŋε mo, "N nyi, fo nε mee sha nε n kil." Nε e fε mfrε gbre, "N kaŋε fo nawule nɛ mee sha nɛ n kil. E fɛ komobe mfra n kaŋɛ anye e yɔ Kategga n ya wu ekuloŋ wura na nɛ e ta anye n dii lur na be kabaso ndoŋ. Komo loŋ anyeeŋ shilε nε ntuto maŋ naŋ wu anye."

Ewura Kayanja ba wu fanε mobe ebiche Apenyo be ke ŋana n shile n ler lanto nε e sa mobe bebaŋapoana kɔnɔ fanε bu fin mo kade na to m bra mo.

Ewura na be bebaŋɛpo, nε kade na to ebi kikε fin Apenyo n gben kade na to. Nε agbo luri Ewura Kayanja nε e yε be luri kupun na to be kapilakama n fin mo.

Apenyo nε Trevor ka kuse a yͻ lur na se, nε bͻrε fara a mͻl.

Nε afuu gboŋ gboŋi fara a da.

Ekuloŋnyen Kategga bee krε mobe ekuloŋ nε bu ya fo. Nε Trevor kaŋε Kategga fanε e saŋε n ta bumon dii kabaso ndoŋ.

Ndoŋ nna nε Kategga kini, n kaŋε bumo fanε afuu na fara a da kumobe loŋ be enite maŋ wale.

Trevor matiso n ŋini to n sa Kategga kusonε ke baa sha nε e ta bemo n dii lur na. Nε e soŋi enͻ mobe jifa to n lara kamansharbi fuful n sa Kategga.

Jimanε monε Kategga ka ba nu bumo mpͻl na nɛ kemanshεrbi fuful na nε awobiibi diimo. Nε e shuliso n sa bumo fenε e beeŋ ta bumo n dii hali kakpa ka maŋ bugina.

Kategga gberge ekuloŋ na mba nchu na ase n kaŋɛ bumo fanε bu luri n ka ta mobe kimoli n fara a muli.

Saŋε na so nε ewura Kayanja nε Ewura Aludah ba fo lur na ase, bu ba wu baasa asa ekuloŋ na to. Nε ke wͻrͻ bumo fanε bedempobunyͻ na e naa shile.

Kategga gberge ekuloŋ na mba nchu na ase n kaŋɛ bumo fanε bu luri n ka ta mobe kimoli n fara a muli. Saŋε na so nε ewura Kayanja nε Ewura Aludah ba fo lur na ase, bu ba wu baasa asa ekuloŋ na to.

Nε ke wͻrͻ bumo fanε bedempobunyͻ na e naa shile.