Kalekale ho vha hu na musidzana we a vha a tshi pfi Kalabushe. Kalabushe o vha a tshi ambesa. Mme awe vha kaidza uri a songo ambesa.
Liṅwe ḓuvha makhadzi wa Kalabushe vha thoma u lwala. Vho vha vha tshi dzula seli na govha ḽo fhandaho uyo muvhundu.
Mme a Kalabushe vho vha vha khou shuma vhukuma iḽo ḓuvha. Vha ruma Kalabushe u isela makhadzi zwiḽiwa ḽo no kovhela.
Nḓilani kalabushe a ṱangana na phele, ye ya shanduka ya vha muthu, dzina ipfi Sinson.
Sinson ya vhudzisa uri o hwala mini. Kalabushe a fhindula, "Nama, makumba na mafhi." Mme awe vho vha vho mu laya uri a songo vhudza muthu uri o hwala mini.
Kalabushe o vhudza Sinson uri makhadzi wawe vha khou lwala nahone zwiḽiwa izwo u khou isela vhone. Sinson ya thoma u elekanya nga ṋama yo hwaliwaho nga Kalabushe.
Ya gidima phanḓa ha Kalabushe ya swika nḓuni ya makhadzi wawe.
Ya mila makhadzi wa Kalabushe ya ḓi fukedza nga nguvho dzavho.
Kalabushe a swika nḓuni a pfa ho tou tshete. A dzhena ngomu a vhidzelela, "Makhadzi vha ngafhi?"
Musi hu si na phindulo a fhirela lufherani lwa phanḓa hune makhadzi vha eḓela hone. A mangala a tshi vhona muṅwe o di fukedza nga nguvho khulwane.
"Makhadzi mulandu nḓevhe dzi khulwane ṋamusi?" hu vhudzisa Kalabushe. Sinson ya fhindula i nga ngomy baini, "Uri ndi kone u ni pfa zwavhuḓi."
Kalabushe a vhudzisa hafhu, "Makhadzi khezwi maṱo avho a mahuluhulu ṋamusi?" Sinson ya fhindula, "Uri ndi kone u ni vhona zwavhuḓi."
Kalabushe a vhudzisa lwa u fhedzisela, "Khe mulomo wavho u mu huluhulu namusi?" Sinson ya fhindula, "Uri ndi kone u ni mila zwavhuḓi." Sinson ya fhufha ya bva nguvhoni ya mila Kalabushe.
Ngauri Kalabushe ndi muambi wa biko, o bvela phanḓa na u amba na musi e thumbuni ya Sinson. O vhudzisa mbudziso nnzhi.
Mafheloni Sinson yo netiswa nga mbudziso dzi sa fheli dza Kalabushe ya mu pfela nnḓa.
Kalabushe na makhadzi wawe vha ponyokiswa nga vhadzulapo vha wonoyo muvhundu. U bva iḽo ḓuvha, Kalubushe ha ngo tsha ambesa na vhathu a sa vha ḓivhiho.