Kachako nɛ Epeŋi yili fanɛ e beeŋ ya bɔɔ mo sipo cheso kufɔl so. Esipoche kufɔl malɛ wɔ awɔlpa be kaba ndoŋ nna.

Kumo be kaman nɛ Epeŋi kaŋɛ abɔrɛwɔlpa le, "Maaŋ chɛr meeŋ yɔ m bɛta m ba naniere."

Epeŋi ka yɔ nɛ abee chɛ echimu fulful.

Nɛ afuu nɛ ndibi fara a ji emɔrɔ. Nɛ ndibi nyagbo.

Nseŋ farnyaŋ amo be afantaŋ to n lɛ kaplɛkama.

Nɛ awɔlpa fara a munito.

Nseŋ birito.

Nɛ abɔrɛwɔlpa be kagbene jija amo ŋkpal asheŋ nɛ a bee wora na so.

Nseŋ fara a shu. Nɛ anishichubi damta wurge.

Nɛ nchu fara a muni durnya kikɛ so.

Saŋɛ ere so nɛ Epeŋi bee blasé nɛ k lar kumo sipo cheso pe ashi awɔlpa be kaba ndoŋ.

Ndoŋ nna nɛ epeŋi wora kufɔl bai bai nseŋ bɛta n yɔ epe.

Nɛ awɔlpa be kagbene fuli ŋkpal e ka wu Epeŋi so nseŋ fulto parr.

Nɛ abee ta amo be afitiri bumbuŋ be asɔbuuso lela m buu.

Nɛ afu bɛta n ya dese.

Nɛ ndibi parga amo be ayabi to a mushe.

Awɔlpa be kagbene daŋ fuli ga ŋkpal a ka naŋ wu amo nio Epeŋi so.

Ndoŋ nna nɛ a ya kaa pel.

Nɛ afitiri nɛ afantaŋ wurbi lar kasawule so a kaŋɛ, "hɛloo."

Nɛ durnyaŋ kikɛ bee nyɛkpɛso.

Nɛ enio Epeŋi nyaŋɛ n fulto kaplɛkama.

Nseŋ kaŋɛ, "Ŋ kaŋɛ fanɛ meeŋ bɛta m ba."