Yo ke morutiši wa ka. Leina la gagwe ke Morutiši Akinyi. O nthata kudu.
Morutiši Akinyi o re ruta ditlhaka le medumo ya mantšu. Ke kgona go bolela ditlhaka tše a, e, i, o, u.
Morutiši Akinyi o re rutile mebala, hubedu, talalerata, talamorogo, serolwana le boso.
Ge e le nako ya go robala, morutiši Akinyi o re opelela dikoša go bitša boroko. O re opelela kopelo ya go robatša.
Koša yeo e re: A ntutulele, ngwana robala Bomma ba ile kae Ba ile mašemong.
Morutiši Akinyi o tseba dikanegelo tše dintši. Tšatši le lengwe le le lengwe la beke o re botša kanegelo ye mpsha.
Ka Mošupologo, o re botša kanegelo ka ga digaka tša banna.
Ka Labobedi, o re botša kanegelo ka ga digaka tša basadi.
Ka Laboraro, o re botša ka dinamelwa tša go fapana.
Ka Labone, o re botša ka tša temo.
Gomme ka Labohlano, Morutiši Akinyi o re fa sebaka gore re anege dikanegelo tša rena ka phapošing.
Morutiši wa rena ke yo hlwahlwa lefaseng ka bophara! Ge ke gola ke rata go ba bjalo ka Morutiši Akinyi.