Hiisi muutu amanyire ati enjofu jiri n'esuulu ndeeŋi.

Aye ebiro ebireeŋi eby'ahale, esuulu y'enjofu yabanga nyiipi era nga ngeeji.

Enyana y'enjofu yasaaliwa. Yaali n'ohubuusa nga bugali. Yaali nga n'ehyo'hubuusa hiisi solo.

Yaali n'ohubusa ehiŋamba hu kooli. "Lwahiina oli n'egosi ereeŋi?"

Yaali n'ohubusa ehiŋamba hu Musini. "Lwahiina olwiga lulwo luba naŋamugulu aŋasongohi?"

Yaali n'ohubuusa ehiŋamba hu Mbiri. "Lwahiina oba n'emoni enando?"

Era yaali n'ohubuusa bugali ebiŋamba hu Goona. "Egoona olya hiina ehy'egulo?"

Nyina yaloma yiiti, "Omanya omanya otabusanga hy'ehyo." Yaŋwaŋo yagenda neminyaaye.

Aye hirimagesi Nahinywamalwa ganguŋirisa galoma ati, "Nondeho ena lwaabi." Eyo peyi nabonere hiina ehi Goona erya ehyegulo.

Yityo enyana y'enjofu yalonderesa Nahinywamalwa ohwola eyo muhiiho hu lwabi.

Yaŋindihana ohubita mu bigada nga ye merera hu mugo gwolwaabi. Yalengesa mu maaji. Egoona eri ŋeena?

Nga ebaale eryali ohuupi n'egobo gw'olwaabi liroma liiti, "Eehe!" Enyana y'enjofu nga yosi yiroma yiiti, "Eehe! Hamunga wahalomeraho hiina ehi goona erya ehyegulo?"

Nga ebaale liroma litti, ''Yiinamaho ŋaasi nahulomere'' Yiihaa yiihaana.

"Gabbu" nga esuulu njeeyo mu sayaja Goona. Nahinywamalawa nj'ohukwakwanuha "Egoona ena lye niwee ehyegulo."

Enyana y'enjofu nga yidimama humagulu gaayo ehwesa, ehwesa era ehwesa. Aye nga Egoona hyetenga hulehula.

Esulu y'enyana y'Enjofu nga ereeguuha,  Ereeguuha ereeguuha ohwosa. "Hupi" yagwira humugongo gwayo.

Obusungu –nefiiriye ehy'gulo, Egoona lya pondooha ohwagama mu maaji.

Enyana y'Enjofunga eheja hu suulu yayo. Netaŋanga hubona ŋeena eyiyaagama.

Yaali ndeeŋi bugali nga eŋanga ohunoga emiryo ejaali mu masaga aga ŋamugulu obugali.

Era nga yeeyoga n'amaaji hu ludaalo olw'obubalire. Ate n'ohwosa hatyane, Enjofu joosi Josi jiri n'ebitaya ebireeŋi nga byamugaso.