Òòrùn pinnu láti lọ kí àbúrò rẹ̀ obìnrin, òṣùpá. Òṣùpá ń gbé ní òdìkejì òfuurufú. 'Mo máa padà dé láìpẹ́, Òòrùn sọ fún ìkuukù.
Kò pẹ́ tí Òòrùn jáde lọ, àwọn òkè wé gèlè funfun.
Afẹ́fẹ́ ń ṣàríyànjiyàn pẹ̀lú àwọn igi. Inú bí àwọn igi. Wọ́n fọ́n gbogbo ewé wọn ká ibi gbogbo.
Òfuurufú bẹ̀rẹ̀ sí i kùn. Ó yírá padà sí òféèfé.
Inú àwọn ìkuukù kò dùn láti rí ohun tí ó ń ṣẹlẹ̀. Wọ́n bẹ̀rẹ̀ sí í sunkún. Ẹkún púpọ̀ wà.
Gbogbo àgbáyé bẹ̀rẹ̀ sí í rì wọnú omi lọ.
Bẹ́ẹ̀ kẹ̀dẹ̀ ré, ní apá kejì òfuurufú, Òòrùn ti ṣetán láti kúrò lọ́dọ̀ àbúrò rẹ̀. Wọ́n fẹnu konu, ó kí òṣùpá pé ó dìgbà ó sì padà sí ilé.
Inú òfuurufù dùn púpọ̀ láti rí Òòrùn tó bẹ́ẹ̀ tí ó sì yípadà sí àwọ̀ búlù. Àwọn òkè wọ àsọ aláwọ̀-ewé wọn.
Afẹ́fẹ́ lọ sùn. Awọn igi na ẹ̀ka wọn, wọ́n sì rẹ́rìn-ín.
Inú àwọn ìkuukù dùn láti rí Òòrùn padà. Wọ́n jádé lọ ṣeré.
Ọ̀pọ̀ àwọn ewéko kéèkèèké hù jáde láti inú ilẹ̀ láti ṣe " báwo ni?" Gbogbo àgbáyé ń tàn yinrin.
Òòrún tan ìtànṣán rẹ̀ sí ibi gbogbo. Pẹ̀lú ayọ̀, ó ní "Mo wí fún yín pé n óò padà wá."