Toonse tulizyi kuti muzobvu ulaa mubombo mulamfu.
Pele kumatalikilo, mubombo wakali mufwaafwi uneneede.
Nakazyalwa mwana wa muzobvu, Singunzuunzu. Wakali a mubuzyo kumunyama uli oonse.
Wakagambwa, wakakankamana kubona kulampa kwa Indyabuluba. Singunzuuzu wakabuzya, "Nkaambo nzi alaamukosi mulamfu?"
Singunzuuzu wakakankamana naa kabona Cipembele. Wakabuzya kuti, "Nkaambonzi lwija lwako lulabosha kumbele?''
Singunzuuzu wakakankamana naa kabona Chivubwe. Mpoona wakamubuzya kuti, "Nkaambonzi ulaameso asalala mbuli mulilo?"
Alimwi wakakankamana naa kabona Ciwena. Singuzuuzu wakubuzya, "Ino Ciwena ulyanzi mangolezya?"
"Malweza, utakainduluki kubuzya mubuzya oyo," Mbubaamulaya banyina. Singunzuunzu wakasosoloka katyompendwe.
Pele Cikwaangala ucenjende cakufwambaana fwambaana wakaambila mwana a muzobvu, "Kondiccilila kumulonga nkakutondezye cilalilo caciwena."
Mpoona mwana wamuzobvu wakatobela Cikwaangala kumungwenyu kuya kumulonga.
Mwana wa muzobvu wakapenauna matete kunkomwe yamulonga. Wakalanga mumeenda. "Ino Ciwena ulukuli?"
"Wabonwa," lyakamujuzya Ibwe lyakali ankomwe ya mulonga. Singunzuunzu wakingula, "Ndabonwa ndaaye." Singunzuunzu wakabuzya, "Ino Ciwena ulalila nzi?"
"Kotama ndi kwaambile," lyakaingula Ibwe. "Kotama, kotaminsya." "Mwana wa muzobvu, Singunzuunzu waka kotaminsya limwi."
"Kwacha!" Mpemo yakajatwa amemo ya Ciwena. "Wacibona! Sunu alaba cilalilo caciwena." Wakaamba
Cikwaangala.
Singunzuunzzu wakakkala ansi. Akutalika kukwela, akukwela canguzu kapati. Pele Ciwena wajatisya.
Mbube mpemo yamuzobvu yaka landamula, akulandamuka akulandamukilalyo. "Bboo!" Wakawida ansi.
Abukali bwa kwiilala cilalilo, Ciwena wakaswemukila mumeenda.
Mwana wa muzobvu wakailanga mpemo yakwe. Pele takaibona nkoyali kugolele.
Mpemo yakwe yakali ndamfu kapati cakuti wakali kukonzya kucela micelo mumasamu malamfu.
Alimwi wakacikozya kulitila meenda amubili woonse izuba nolitwa mwaaba. Kusika sunu, bazobvu boonse balaa mibombo milamfu yanseba.