Lulala Eryuba lyaja ohuhyaliraho muganda walyo omwesi. Omwesi gwali gumenyire hu luyi olundi olw'egulu. "Na hagaluhe mangu," Eryuba po lyalomera ebireri.

Eryuba ni lyatiina nga esosi jetaaho ehisuusu.

Embeŋo nga eduhana n'emisaala. Emisaala nga jinyiiga jidanyaga ebihoola hiisi ŋaatu.

Egulu lyatagiha ohuduhana era lya maliŋa.

Ebireri bya sunguŋala era byatagiha ohulira. Byalira amasiga ameene amangi.

Ehyalo hyoosi hyeyiniha mu maaji.

Esawa ni yolire nga Eryuba lisebula omwesi. Omwesi ni gwagwa Eryuba mu hifuba, ng'Eryuba lyeyagamira ewalyo.

Egulu lyasangala ohubona Eryuba nga lifuuha lya bbululu. Esosi nga jambala engoye jaajo eja nalutu.

Embeŋo yaja ohuŋenyuha. Emisaala nijo jagolola esaga ni jimwemwejera.

Ebireri byasangala ohubona nyinawe Eryuba nindi nga byetiinira ohugudula.

Ebimera bingi byeene byamera. Ehyalo hyoosi hyameregenya.

Eryuba lyaaduha ŋosiŋosi Nahamwenyu, nga liroma liiti, "Nalomire ti nahagobole."