Ahale ebisolo byosibyosi byamenyanga ŋalala ni biri bya muhago. Lulala byasalaŋo bibe n'oluhumbano byangale habaha.

Wadwaya olw'ohwenda abe nje habaha, gadulingire ebisolo ebindi. Gabiloma ati, "Oluyunju olulando oluli hu mutwe gwange muliro. Mutaluŋambaho."

Ebisolo ebindi byefugirira ebi Wadwaya gaali n'abiromire byasalaŋo ohumwangala ohuba nje habaha wa byo. Byasubira biiti omuliro gwa Wadwaya guŋanga gwabiyeda mu biseera eby'obuŋololohi.

Ɲaaliŋo oludaalo olu fula ya sehuha ehyalo hya nyitaala. Hiisi hiitu hyadoola era hyaba hiŋololohi.

Olw'o buŋololohi obwo Wanduuyu gabusa ebisolo ebindi ati, "Hunatuse ŋeena omuliro ogu hunoote."

"Wakima nga agobolamo ati," Hunatambise omuliro ogwo'muluyunju oluli hu mutwe gwa Wadwaya. Wadwaya nje habaha weefe olwohuba n'omuliro hu mutwe gugwe.

Esolo jehirisagania ni Wakima nga jituma Wahibbwe ohusaha omuliro ohuŋwa eri habaha Wadwaya.

Wahibbwe gola ewa Wadwaya gamusaŋaana nali hufuluuta. Ng'asalaŋo abugule omuliro n'atamusungire.

Wahibbwe gasolonga obunyasi obwomu nga abuta ohupi n'oluyunju hu mutwe gwa Wadwaya. Aye obunyasi si bwaŋamba muliro.

Nga Wahibbwe ahayuhira Wadwaya ati, "Wadwaya sisimuha!" "Hwenda omuliro ŋahani ŋano."

Aye Wadwaya si gaŋanga huŋa Wahibbwe omuliro.

Wahibbwe gasunguŋala gagamayo eri esolo jahye nga aji lomera amazima agaŋamba hu luyunju oluli hu Wadwaya. Ohuŋwa oludaalo olwo, ŋaŋuma atya Wadwaya. Njehigima Ebibbwe ni birya Edwaya n'abalebe bajo.