Document

Shinser she á bvəʼəyin

Zimbili Dlamini

Magriet Brink

Yì-iì dzə̀ é ghan símóʼ sí fó yàngùʼ, wónlě nsùm ámóʼó wáa dzə abaà, ve anàʼ véví-iì làyìn.

Áwune tàʼ anàʼ vìn, ghán sí nèn shaàsìn a baá yoʼ yèn.

Ndzə lòo sən, áwune nèn yèn və́y a wú bán e lav yìmòʼ.

Áwune nèn sìysì ji áwune wàá du, e lòn á kirəʼ kée shiíy sho.

Áwune dù, e kùmrì shúu lav.

Wú mvə̀ʼə̀m, áwune nəə́.

Wónlě nsùm vine yoʼ yèn wír e lav. Yii bèy, á yú jí wìr, a yì shaʼtì áwune.

Ji wìr rə̀y nèn yòŋ jii, Dzə̀ mo shinser. Vèn mvəʼ kíŋé, e lì viyíkìr vi fó fo. Vèn mvəʼ ntòn Nsoʼ, é vèn yén kifá kée no.

Wìr və̀y nèn lò e bìnkìr rú é shinsèr, e nèn ŋàŋrì, e fəə̀.

Wónlě nsùm vìyi yíkír, e nò, e beèrì feyì.

Áwune nèn fəə̀ fó lav, a dù.

Mo á du, kwaʼtì ye bií nèn wìy aáwuné kitu.

Á nèn a jeykír jii, "Feyì, feyì, a dzə̀ kí ghàn é le bo shinsér shi fó vèr viyíkìr é vèr sə́.

Á jéykír bey, e nèn sìysì ji á kfə́n a e bàm, e dù, e bvə̀ʼə́y á shinser shee shooy.

Á kfə́n é bàm, é lav fèy, e nèn bvə̀ʼə́y shinser shìy.

Mo á bvəʼəyin shinser bèy, à shinser shi, à lav nen sàsìn, e tàʼrí, e lày.

Áwune nèn yèn, aá sí tíy a dzə̀ fó ndzə e ŋgèŋgèr.

You are free to download, copy, translate or adapt this story and use the illustrations as long as you attribute in the following way:

Shinser she á bvəʼəyin

Author - Zimbili Dlamini
Translation - Beatrice Tafon Takeh, Mbinkar Emmanuel Keelen
Illustration - Magriet Brink
Language - Lámnsoʼ
Level - First paragraphs