Go ne go le monna a bidiwa Thabo.

O ne a na le morwa. Ena o ne a bidiwa Thabong.

Ka letsatsi lengwe monna a re go morwaagwe," A re phuthulole maoto."

Fa ba ntse ba tsamaya, ba bona mokotla wa diaparo. O ne o tletse.

Monna o ne a itumetse thata. "E tsholetse re ye gae ka yona," a rialo go Thabong.

Morwa o ile a dira se rragwe a reng a se dire. Thabong o ile a rwala mokotla ka tlhogo mme ba ya gae.

Mo tseleng go ya gae, noga e ile ya tswa mo mokotleng. Ya wela mo maotong a ga Thabong!

Thabo le Thabong ba ne ba tshogile thata. Thabong o ile a latlhela mokotla mo fatshe. Ba ile ba tshaba ka lebelo le le tshabegang.