Alosi kolong aberu na anapit ikoku keng alokaku akiger ng'araito namoni.

Abu ng'esi kiyokin ekitoe lo arait ageor naakonit lokojokon.

Kiperik ng'esi ikoku lotorube dio todoka kidiama ekitoe akiger.

King'olik erotot ang'imoe, lo etorunit diye neni, ikoku eperi bon alokwap ekitoe. Toriang'akin ng'esi king'is bon tama, "Aliwae eyei itokeng a ikoku ka en?"

Tokudokin ng'esi nabo tokienyu ikoku kotere egilgil ang'iriko ka ng'asuwa na anapit ng'esi alomosiring ka ng'aki.

Kimiek ng'esi ikoku toboliar ng'iriko. Akiena ikoku niti ebolia.

Tokienyia aberu kwap esaki akiyen inyo ekienar ikoku.  King'olik ng'esi ekile logela iboi alo diyete ikoku keng!

Tobul ng'esi lokojokon talakaki echwee ang'araito ileleba tachakun kwap. Pussss!

King'olia erotot ng'olo kidiama tama, "Kuria nyikibul. Etobolia ayong ikoku kon nikebusen."

Kong'ina, totiyaun aberu ng'ina alokidiama ekitoe.

Tolemu erotot ng'olo erikot epei, naki ikoku, dio tama, "Erai en ibore ni kainaki ayong iyong."

Sodi tolimok aberu tama, "Tolema ikoku kon, tolema echwee kon dio tolot nawi. Tolimoki ekile kon towotok nakwap na emam aremo. Kesisil ayong ikoku eka sapanet."