Yo ke morutabana wa me. Leina la gagwe ke Morutabana Moipone. O nthata go menagane.

Morutabana Moipone o re ruta medumo. Ke kgona go dira medumo a, e, i, o, u.

Morutabana Moipone o re rutile mebala e e farologaneng: Khibidu, botala jwa legodimo, serolwana le bontsho.

Ka nako ya go robala Morutabana Moipone o re robatsa ka pina. O re opelela pina e e monate.

Pina eo yone e opelwa jaana: Boroko bo bo monate fa matlho a gago Menyebo e lo emetse fa lo tsoga Robalang bana ba bantle, lo se lele Ke tla lo opelela pina e e molotsana.

Morutabana Moipone o itse dikgang-khutswe tse di ntsi. O re anegela dikhutswe tse di farologaneng letsatsi le letsatsi.

Ka Mosupologo o re anegela khutswe ya banna ba bagale.

Ka Labobedi o re anegela khutswe ya basadi ba bagale.

Ka Laboraro o re anegela ka mefuta e e farologaneng ya dipalangwa.

Ka Labone o re anegela ka temo.

Mme ka Labotlhano Morutabana Moipone o re kopa gore re anege dikhutswe tsa rona mo phaposing-borutelo.

Morutabana wa rona ke wa makgonte mo lefatsheng! Fa ke gola ke batla go nna fela jaaka Morutabana Moipone.