Ŋaaliŋo ebbasi ndala yonyene mu hitehere. Yaali mbala era nga ya bbululu nindi yaba ya guheero.

Lulala, nyina ya Hiriga gamulomire ati, "Ejo hunahatiine mu tawuni ohugula eyinifoomu y'esomero."

Hiriga gasangaaye bugaali weene. Baali baja hugendera mu bbasi embala eya bbululu. Olwa masanyu amangi, si gaŋenyuha owiire owo.

Hiriga gaali gambaye hale aŋanyina gajiriiye ohumusisimusa.

Hiriga ni nyiina bagenda ohwola hu sitegi y'ebbasi. Baali aŋo ni balindiire ebbasi. Aye ebbasi si yaajire.

Abaatu abandi boosi baajire hu sitegi enyene eyo ey'ebbasi. Ebbasi yaali eruye. Bebuusa baati, "Ebbasi etulehire?"

Abaatu abandi boosi baajire hu sitegi enyene eyo ey'ebbasi. Ebbasi yaali eruye. Bebuusa baati, "Ebbasi etulehire?"

Abaatu abandi besinya bagobolayo engo cooka Hiriga galira na tenda hutiina. Nyiina gamuŋooyaŋooya gamuloma ati, "Hu lindeho ŋa totoono."

Baali bahiiri aŋo, nga baŋulira amajanjasi. Baboona efuuhe mu bbanga. Ebbasi yaali yiija.

Aye ebbasi yiino si yaali ya bbululu. Si yaali mbala. Yiino yaali nando atenga ndidiiri. Abaatu abari aŋo ni balindiire baheja hu bbasi bayemotya ohuyingira.

Derefa geyasa ati, "Mwingire mwingire! Olwaleero huluye bugaali weere".

Hiriga ni nyiina nj'abehereeye ohwingira. Wali ohiiri hiisi muutu nga gengiira mu habbasi ahalando.

Hiriga galengesa enje mu dinisa. Galengera abaatu bangi hu sitegi.

Cooka nindi era abaatu baali bali hweyuna ohuniina ebbasi enyene eyo. Ehyembi, baali baluuye, ebbasi yaali yijuuye. Ebbasi yasimbuha ohutiina mu tawuni.

Nyiina gabusa ati, "Ebbasi embala eyabbululu eri ŋeena?"

Derefa nga amugobolamo ati, "Yenonohire, huli huyiteresa, enahaje ejo."

Hiriga sigafaayo hu langi iy'ebbasi. Sigafaayo hu saizi y'ebbasi. Gaali musangafu olw'ohuba ti ebbasi yaali eri hutiina mu tawuni.