Khale yaliyo omwami ulangwa Kayanja. Yamenya no mukhaye waye nende omukhana waye Apenyo.

Apenyo yali omubukha we ifwani indayi ne buli omusatsa yenya okhumuteshia. Abula omwami Kayanja yareba ikhwe ye ekulu khu yesi wenya Apenyo.

Hambi nende eshiembekho shio omwami Kayanja, yamenyao wo lukoba ulangwa Aludah, Mukhongo. Yakulikhwa 'Mukhongo' khulwa buli mundu mubumenyanwa yamuulirisinjia.

Omukhaye wo Aludah yali niyafwire mubwangu yubo khulwa omuyeka kho wolukoba yali akhaba okhuteshia omukhasi undi.

Aludah ouli omukofu khandi omunefu. Yatsia wo omwami Kayanja okhukhwa Apenyo. Babiri yabo bashisungana ikhwe. Omutiyii Kakembo yaulira amasungano kabo. Kakembo yali omwitsa wa hambi wa Apenyo.

Aludah yeyama okhuheresia omwami Kayanja eshikabo akari shie miandu chiaye, halala ne isindani, shingana omukabo kwe ikhwe.

Emipango chie shiserero akari wa Aludah nende Apenyo chiakasibwa mubwifisu. Omwami yamanya mbu omukhana waye shiyakhafuchirire akaliparo kaye ta.

Lichuma elala imberi we inyanga ya arusi ilobole, Kakembo yabolera Apenyo, "Omukhana wo mwami, papa wao akasie ehiserero shio nende wo lukoba Aludah, ne shilabao mwichuma elala okhurula luno, Kakembo naboola."

Apenyo yauka ne nakhaywa shiakhola. Yapara, "Shendateshera Aludah tawe, omusatsa omukhomeru khandi omukofu. Tawe! Endatetekhana okhutsia wa Trevor endole shianyala okhukhola efise filaawa." Trevor yali omwitsa we shisiani wa Apenyo.

Mushiro Apenyo yanyololokha okhurula mushiembekho. Samwana waye namanya watsitsanga nasinyikha muno. Yerukha okhubira mumutsuru omukali kwerima, khumachina nende efitsakha, okhula niyoola wa Trevor. Olwa yoola nango waye yali nachonyere, nali inzala khandi nobulo.

"Omuheri wanje, nishina niwirukha abundu arambi wenyene mufise fie shiro?" Trevor nareeba. Yataya amatsi namuhereresia khandi nalekha aulukhe. Trevor yali neshiruchi nashilinda Apenyo amukanire kekholeshe.

"Omukhana wo mwami omuyanzwa, eshikali nishina?" Trevor nareeba. Apenyo naboola naberere, "Papa wanje yenya okhumbakha khu Aludah Omukhongo. Shefuchirira okhutekha khu mundu omubi uyo ta. Trevor, ndikomba okhutekha khu
iywe kata noli omumanani. Efuchirira okhunyakhana. Ndakhuhera."

"Omukhana wo omwami, euma emiandu chiokhuhana nga ikhwe, ne wamanya endi omusiani omumanani." Trevor nalira. Apenyo nakalusia, "Ndamanya halali niwe wenyene wenyala okhuteshera. Khutsie khu Kategga omufuchi wa eliaro akhweremia okhutsia injerekha yindi yo mwalo. Khulakhama ne papa shalakhunyoola ta."

Mushiembekho, omwami Kayanja yali namanyire omukhana waye Apenyo akhamire. Yaboolera abarukwa baye okhumukhaba buli habundu mulukoba. Abalindi nende abapani bo omwami bakhaba buli abundu ne shibanyoola Apenyo ta.

Bakalukha khu mwami bamuboolera Apenyo shanyoolekha ta. "Tsie mumutsuru mukhabe," Omwami nalokha nasinyishe.

Olwa Apenyo nende Trevor bali bayuka okhutsia khulukuku, amalesi amamali kachaka okhukhung'ana mwikuku. Ifula yo lucheka yali itsa.

Kategga omufuchi weliaro yali aboa eliaro lwo ababukha yabo betsa khuye. Trevor yareba Kategga afuche eliaro okhubambusia omwalo. Kategga yaloba, nababoolera ifula yo lucheka itsanga ne banyala okhukwa mumaraba.

Trevor yaboolera Kategga khatimba bambushe omwalo. Yaheresia Kateggaa amakwakata ko munyanza. Olwa Kategga yaulira olukano lwabo nokhulola amakwakata keshifwani, yali neshibeera khubo. Yeyama okhubambusia omwalo mulifube libi.

Kategga yakhwesa eliaro hambi no lukuku nababoolera benjiremwo. Yabukula emikho chiokhufuka eliaro nachaka okhulifuka.

Omwami Kayanja nende Aludah boola khulukuku, balola abandu bataru muliaro. Bamanya mbu abaheranwa ababukha bali berushe.

Irunda yapa eliaro ne Kategga nakhaywa okhuchifuka. Omwami Kayanja yayibuukha, "Apenyo, nochama kalukha! Ekhuberere."
Efise fiali fiwere. Eliaro liakwa ne boosi bataru bafubwa mwirunda.

Okhurula inyanga iyo, buli mundu mushiembekho shia Kayanja yeyamirwa okhuteshera omundu yesi wabenya.