Onu nuwe omwegesa wange. Ibaralye nuwe Akinyi. Angonza muno.
Omwegesa Akinyi ayegesa enyuguta enculeezi nenyatuzi. Nisobora kugamba enyuguta a, e, i, o, u.
Omwegesa Akinyi atwegeseze erangi eyekunanata, kakobe, kibabi, kyenju ne yekwiragura.
Obwire bwokubyama omwegesa Akinyi atuzinira tubyame. Atuzinira ebiremberro ebirungi.
Ekiremberro nikigenda kiti: Cuncubira Abwooli cuncubira, cuncubira ngende kwiba nyoko --.
Omwegesa Akinyi amanyire embazo nyingi. Atugambira embazo zitali zimu buli kiro mu sabiiti.
Balaza akatugambira embazo ezikukwataho abasaija abamaani.
Kyakabiri omwegesa Akinyi akatugambira embazo ezikwataho abakazi abamaani.
Kyakusatu, akatugambira embazo ezikwataho emiringo yebyengenda.
Kyakana akatugambira embazo ezikukwataho kulima nokuliisa.
Kandi kyakataano, omwegesa Akinyi akatugamba kugamba embazo ezaitu mukitebe.
Omwegesa waitu nuwe mwegesa akukirayo mwihanga lyona. Obundikura, ningonza kuba nkomwegesa Akinyi.