Ingokho Ni Likongolyo
Winny Asara
Winny Asara
Lumasaaba

Ingokho ni Likongolyo baaba basaale. Ne buli ndaalo baaba nga basindana. Lutweela baakhalawo khukhwiinyaha lifuundo, babone naanu ufuura uwashe.

1

Baatsya khu khu kyeewa baarakikha khukhwiinyaha lifuundo. Ingokho yaba yinyahaka khaangu, ne likongolyo lyaakifuura. Ingokho yakhupa lifuundo I aleeyi, ne likongolyo lyaakhupa alyeekho naabi. Ingokho yaarakikha khukhwikhalasaka.

2

Lwanyuma baakhalawo khuukhupa tsipeneti. Khunyoowa Likongolyo nilyo lilyanyoowa khuuba koolo kipa. Ingokho yaanyweesa ikoolo indweela yonyene. Lwanyuma ingokho nayo yekyela koolo kipa.

3

Likongolyo lyaakhupa lifuundo lyaanyweesa. Luundi Likongolyo lyenyayisa lifuundo, nga lisala, lyanyweesa ikiindi. Likongolyo ndi lyaakhupila kumurwe, lyanyweesa ikiindi. Atweela likonolyo lyaanyweesa tsikoolo tsiraano.

4

Ingokho yaakhalala naabi khuuwulibwa. Niyo yaba umwinyayi uwe lirima nga baamuwulile. Likongolyo lyaarakikha khuutsekha khuubona nga musaale weewe ali ni lirima liikali liryo.

5

Ingokho yawaambibwa lirima liikali naabi kila yikula kumunwa kwayo yaakubalayisa luukali, yaamila likongolyo.

6

Ingokho ni yaba nga yilayo ingo, yaakanana maayi we likongolyo. Kila maayi we likongolyo oyu areeba ari, "Manya waamboneelekho umwaana wase?" Ingokho siyelamo ta. Maayi we likongolyo wehembelela.

7

Maayi we likongolyo waawulila khakono khaafwiiti, nga khaloma khari, "Injeete maayi." Maayiwe waanyukanyuka waarekeresa buulayi bubweene. Likono lyaba lilikho lyaamila muunda mwe ngokho.

8

Maayi we likongolyo waamuloma ari, "Raambisa kamaani koowo ka buraawa mwaana wase." Kamakongolyo kanyala khuuwunya buubi naluundi nga sikanyalikha ni khuulikha ta. Ingokho yaarakikha khuulwaala.

9

Ingokho yaarakikha khukhaasa ni khukhwaasimula. Lwanyuma yeelakho yaamila ndi yaafuutsa. Yaasimula ndi yaakholola. Indi yaakholola. Likongolyo lyaba lisinya!

10

Ingokho yeloosela khuukholola, khukhwoolesa likongolyo ni lyatuuma ibulafu khukhwaama muunda we ngokho. Maayi we likongolyo n'umwaana weewe baafula, baaniina khu kusaala bebisa.

11

Khukhwaamila abweene awo, ingokho ni likongolyo bekyela be buusiku.

12
You are free to download, copy, translate or adapt this story and use the illustrations as long as you attribute in the following way:
Ingokho Ni Likongolyo
Author - Winny Asara
Translation - Fabian Wakholi
Illustration - Winny Asara
Language - Lumasaaba
Level - Longer paragraphs
© African Storybook Initiative 2014
Creative Commons: Attribution 4.0
Source www.africanstorybook.org
Original source