Yim laa sǝwa lǝp, Madua kakanju bowoyen. Kakanjuye tiro: "Madu marne wuro ngǝwul adǝa amwurawanǝmbo yade. Biskit cadi larusa yeiyanǝmbero."

Jawallan Madu tadawa yindi tadakǝska cawurdi nayayen. Tada faldǝ ngǝwul maduyedǝa cǝmoye kǝskadǝro gǝpkeyen. Ngǝwul falgada.

"Awi sǝddǝm attǝ?" yeno Madu tadadǝro. Ngǝwul biskit tilan cadi. Yeiyaniye larusaye biskit. Biskit larusanjuye adǝ bawoa awi yeiyani wulji?

Tadawadǝ awo cadǝnaye kashshanju cadi. "Rangiye biyanjiyewawo, amman ngo ka Njuttuwuye yeiyanǝmbo ye yeno tada faldǝ." Madu kǝla fuwunna giya.

Jawalnin, am yindia ngim catandi-a kattadǝra. "Rangiye ka adǝn faidadiye" yeno kam faldǝ. Kadǝ duno bawo, namngada. Ngimbo ciddiwawo.

"Awi diww?" yeno Maduye. "Ka adǝ yeiyaniro kǝnjo caddo. Tadakǝska fǝrdowu ka adǝa wuro sado, ngǝwulni faljanadǝro biskit dioro. Biskitdǝ yeiyani. Kuwa ngǝwul-a biskit -a kǝnjo caddǝnadǝ samma bawo. Yeiyani awi wulji."

Tandowudǝ kadǝa namjanadǝro karwunja kuttu. Biskitdǝro rangiye awima yiddiyewawo, amma. Ngo kajǝm yeiyanǝmbo ye, yeno falnjaye. Madu Jawalnju jǝgane leyeno.

Jawalnin, Madu-a kuloma fea-a kattadǝra. "Kajǝm ngǝla adǝa rangǝkke gǝna laa ngokki wa?" yeno feye. Kajǝmdǝ jauro ngǝla nangaro fedǝ tǝgǝmbo giwo.

"Awi dim?" yeno Maduye. "Kajǝm adǝ kǝnjo yeiyaniro caddo. Tandowudǝ kajǝm sado, don ka tadakǝska fǝrdowudǝ namjanaro. Tadakǝska fǝrdowu ka sado don nguwul biskit yeiyaniro caddidǝa faljanadǝro. Kuwa ngǝwul-a biskit -a kǝnjo caddǝnadǝ samma bawo. Yeiyani awi wulji."

Kǝmbomaro walje kajǝmdǝa cotto jǝwuna nangaro fedǝ karwunju kuttu. Kulomadǝ Maduro fenju ce yeiyanjuro cado yeno. Madu Jawalnju giya.

Amma, sa masǝnaye kidǝnniya, fe ngǝrǝmje kǝmanjuyero leyeno. Madu jawalnin fakkeyeno. Jama dojana masǝna dio cadi duwon larusa yeiyanjuro kadio.

"Awi dikki?" yeno Maduye. "Fe cǝgasǝnadǝye kundiro tandowu kajǝm sado, don ka tadakǝskaye fǝrdowudǝ namjanaro. Tadakǝska fǝrdowu ka sado don nguwul biskit yeiyaniro caddidǝa faljanadǝro. Kuwa ngǝwul-a biskit -a kǝnjo caddǝnadǝ samma bawo. Yeiyani awi wulji. Tandowudǝ kajǝm sado, don ka tadakǝska fǝrdowudǝa namjanaro. Tadakǝska fǝrdowu ka sado don nguwul biskit yeiyaniro caddidǝa faljanadǝro. Biskitdǝ larusaye, biskit -a kǝnjo caddǝnadǝ samma bawo."

Yeiya Maduye sa laa tacce yeno, "Madu kannani, kǝnjowadǝ-a biskitdǝ-a bawo yaye nankamde mbeji, kǝji fanǝkki. Kuwa lene kajumunǝm ngǝla yakke, ku sala nangaro." Madu awo yeiyanju wuljinadǝa kido.