Himɓe fuu anndi ko nyiiwa no woodi hinere juutunde sanne.

Ammaa ɓooyi ko hinere nyiiwa no mawnunoo, no raɓɓiɗinnoo. Hano nii faɗo caka yeeso magga.

Nyannde gooɗom, ɓinngel nyiiwa kiinyungel sanne rimaama. Bisa fuu, imo woodi ko o ƴamata dow muuɗum.

O kiinyuɗo faro ko daari geelobel ladde. O ƴami: "Ngam ɗume ko aɗa woodi daande juutunde?"

O kiinyuɗo faro ko daari guuturuwo. "Ngam ɗume luwal maaɗa no seeɓi?"

O kiinyuɗo faro ko daari ngabbu. O ƴami: "Ngam ɗume ko aɗa tawraa gite boɗeeje?"

O kiinyuɗo faro ko daari tolbiya. "Ɗume toleya hiirtotoo?"

Inna on wi'i o: "Abadaa to waɗu iri ƴamol ngol!" O takkitii imo yigga waywayko.

Ammaa ngam faɓru no ƴoƴi, tinni no wi'a: "Tokkam njehen dow weendu ndun. A yi'an ɗon ko toleya hiirtotoo."

Ɓinngel nyiiwa ngel no tokki faɓru ndun naa to weendu ndun.

O ittani ho'ore makko laawol nder kuɗooli ɗin nden o dari dow ɓaargol weendu ndun. Imo daara nder ndiyam ɗam. Toye toleya ngan tawanoo?

Hayre tawaande hadde ɓaargol weendu ndun wi'i: "Jam waali." Ɓinngel nyiiwa ngel jaabii: "Jam waali, se ndegom non, oɗon mbaawa haalani kam ko toleya hiirtotoo?"

Hayre nden yeccii: "Tura faa mi haalane ɗum. Ley sanne, ley sanne" Ɓinngel nyiiwa ngan leesi sanne faa to.

"Snap!" Hinere makko yani nder nyi'iƴe tolbiya. Faɓru ndun wulli: "Toleya, ɗume kiirtoto-ɗaa!"

Ɓinngel nyiiwa ngel jooɗi dow koyɗe muuɗum tekkuɗe nden ngel fooɗi, ngel fooɗi, ngel fooɗi. Ammaa toleya ngan yoofaay.

Hinere ɓinngel nyiiwa nden ɗaartii, ɗaartii, nden nde ɗaartii faa to "Duuffff!" O saami dow ɓaawo.

Ko toleya ngan waasi hiiraande muuɗum, ɓernde magga fuu halkii, nga majjiri non nder ndiyam ɗam.

Ɓinngel nyiiwa ngel daari hinere muuɗum. O waawataa yi'i ho'ore majjum!

Iɗum juuti faa iɗum waawaa teɓtol ɓiɓɓe leɗɗe dow licce ɓuruɗe toowude.

Nden lootoroo ndiyam wakkati nyallomaaji ɓuruɗi wulowulo.

Gilla nyannde muuɗum, nyiibi no ngoodi juuɗe juutuɗe sanne, iɗum nafa sanne.