ULihle noLwandle eHlobo
Glanice Masilo
Khanyisa Masemola
isiNdebele
First paragraphs
ULihle noLwandle baya elayibhrari ukuyokufundela iinhlahlubo.
-
ULihle ulinde ngaphandle. Ubiza udadwabo, “Yenza msinya, Lwandle!”
1
“Sengiyeza,” kutjho uLwandle avala umnyango wangaphambili.
-
“Kubayini wembethe izambatho lezo?
-
Wenze njani, uyagula kghani?” kubuza uLihle.
2
“Nangabe kuba makhaza, ngizobe ngikulindele!” kumomotheka uLwandle.
-
ULihle uyaphendula, “Lilanga elifuthumeleko leHlobo. Wembathele isikhathi somnyaka ekungasiso!”
3
Nabakhambako, uLwandle uthi, “Kusese sekuseni, kodwana ilanga sele lihlabile begodu libalele.”
-
ULihle uyaphendula, “Iye, kungakho woke umuntu embethe izambatho zeHlobo!”
4
ULihle uyahlathulula, “Kilesi isikhathi somnyaka, ilanga liphuma msinya begodu litjhinga lada kunezinye iinkhathi zomnyaka. Kunama iri amanengi emini. Amazinga wokutjhisa aphakama khulu eHlobo.”
5
“Awukhumbuli litho utitjhere wethu asitjele yona?” kubuza uLihle aphela ihliziyo.
-
ULwandle uyacabanga, bese uthi, “Iye, eHlobo sisela iinselo ezimakhaza. Ngifuna isiselo esimakhaza!”
6
“EHlobo, sembatha izambatho ezilula. Abanye abantu basebenzisa izambreni ukobana bazivikele elangeni,” kutjho uLihle.
-
“Khamba kabuthaka, ngiyatjha!” kunghonghoyila uLwandle.
7
“Qala boke abantu bazipholisa umtjhiso ngaphakathi kwedamu lokududa. Asikhambe siyokududa, kutjhisa khulu bona singafunda,” kuhleka uLwandle. ULihle uthintitha ihloko ngalokho okutjhiwo ngudadwabo.
8
“Ngithanda amagwava namalitjhi,” kutjho uLihle, aqale iinthelo zeHlobo ezithengiswako.
-
“Ngomile,” uLwandle uphefumulela phezulu.
-
“Thatha, ngize namanzi,” kumomotheka uLihle.
9
“Kutjhisa khulu! Liphela nini iHlobo?” uLwandle ukhokha ummoya msiya.
-
ULihle uyahleka, “Jayela, iHlobo lisathoma! Amazinga wokutjhisa azokuragela phambili nokutjhisa.”
10

——Imibuzo


  1. Thola amagama amathathu endatjaneni ukobana uhlathulule iHlobo.
  2. Ngimuphi udade ombethe izambatho ezifaneleko:
    • zeBusika?
    • zeHlobo?
    Hlathulula iimpendulo zakho.
  3. Tlola izinto ezimbili esingazenza bona sizipholise umtjhiso.
  4. Ngibuphi ubungozi bokuba selangeni elitjhisako isikhathi eside?
  5. Thola ezinye iinarha ezihlanu ezise-Afrika eziba neHlobo, iTwasahlobo, uBusika neSiruthwana.
11
Attribution CC BY
Your attribution should include the following:
Title: ULihle noLwandle eHlobo
Author/s: Glanice Masilo
Translator/s: Vusi Mahlangu
Illustrator/s: Khanyisa Masemola
Assurer/s: Sponono Mahlangu
Language: isiNdebele

© Zenex Foundation - Saide 2025 (Updated Edition)

CC BY includes the following elements:
 BY   – Credit must be given to the creator